భారత్ లో మంకీ పాక్స్ అలజడి...తెరచాటుగా పెరుగుతున్న కేసులు

భారతదేశంలో మంకీ పాక్స్ అలజడి మొదలైంది. కేసులు ఒకటి, రెండు అరుదుగా కనిపిస్తున్నా ఇది కూడా భవిష్యత్ కు పెద్ద ప్రమాదమని ఆరోగ్య నిపుణులు ఆందోళన వ్యక్తంచేస్తున్నారు. ఢిల్లీలో మరో మహిళకు మంకీపాక్స్ ఉన్నట్టు తెలిసింది. అనారోగ్యంతో బాధపడుతున్న ఆమెకు టెస్ట్ చేయగా మంకీపాక్స్ పాజిటివ్‌గా తేలింది. 31 ఏళ్ల నైజిరియన్‌ మహిళకు మంకీపాక్స్ వైరస్ అని తేలగా.. ఆమెకు ఎలాంటి పర్యటన చేయలేదని తెలిసింది. దీంతో వైద్యాధికారులు అప్రమత్తమయ్యారు. దేశంలో మంకీపాక్స్ కేసులు పెరుగుతున్నాయి. తాజాగా ఢిల్లీలో మరో కేసు నమోదైంది. ఓ నైజిరియన్ మహిళకు మంకీపాక్స్ సోకినట్టు తేలింది. దీంతో మంకీపాక్స్ కేసుల సంఖ్య తొమ్మిదికి చేరుకుంది. అనారోగ్యానికి గురైన 31 ఏళ్ల యువతికి టెస్ట్ చేయగా.. మంకీపాక్స్‌గా నిర్ధారణ అయింది. అయితే ఆమెకు కూడా ఎలాంటి ప్రయాణ చరిత్ర లేదు. కేరళ, ఢిల్లీలోనే కేసులు ఎక్కువగా నమోదవుతున్నాయి. విదేశీ పర్యటనకు సంబంధించి ఎలాంటి చరిత్ర లేని వారికి కూడా మంకీపాక్స్ వైరస్ సోకుతుంది.

ఈ మంకీపాక్స్ ముప్పు నుంచి ప్రజలను రక్షించేందుకు కేంద్రం అన్ని రకాల చర్యలు తీసుకుంటుంది.ఇప్పటికే కేంద్ర ఆరోగ్య మంత్రిత్వ శాఖ ఇన్ఫెక్షన్ బారిన పడకుండా ఉండేందుకు తగిన జాగ్రత్తలకు సంబంధించిన జాబితాను విడుదల చేసింది. వ్యాధి సోకిన వారు ఎలాంటి జాగ్రత్తలు తీసుకోవాలి, ఏ జాగ్రత్తలు పాటించాలని స్పష్టంగా తెలియజేసింది. వ్యాధి నిర్ధారణ అయిన బాధితులు ఇతరులకు దూరంగా ఉండాలని, శరీరంపై దద్దుర్లు తగ్గేంత వరకు ఐసోలేషన్‌లో ఉండాలని సూచించింది. అలాగే బాధితులు మాస్క్‌ ధరించాలని, చేతులకు కూడా డిస్పోజల్ గ్లౌజులు వేసుకోవాలని వెల్లడించింది. అలాగే బాధితుల పట్ల వివక్షతతో ఉండకూడదని తెలియజేసింది.

ఢిల్లీలో ఒక్కరోజే రెండు కేసులు నమోదయ్యాయి.ఎలాంటి విదేశీ పర్యటన చరిత్ర లేని ఆఫ్రికన్ సంతతికి చెందిన 35 ఏళ్ల వ్యక్తికి మంకీపాక్స్‌ సోకినట్లు అధికారులు తెలిపారు. ఢిల్లీలో మరో నైజీరియన్‌కు మంకీపాక్స్ పాజిటివ్‌గా నిర్ధారణ అయింది. అలాగే కేరళలో యఏఇ నుంచి వ‌చ్చిన వ్యక్తికి మంకీపాక్స్ సోకింది. కేరళలో మంకీపాక్స్‌తో ఒకరు ప్రాణాలు కూడా కోల్పోయారు. మంకీపాక్స్ కేసులు పెరుగుతుండడంతో అందరిలో ఆందోళన నెలకొంది. ఆఫ్రికా దేశాల్లోనే ఎక్కువగా కేసులు నమోదవుతుండేవి. కానీ తొలిసారిగా 75 దేశాలకుపైగా వేలాది కేసులు నమోదయ్యాయి.