అతివేగంతో దూసుకొచ్చిన కారు...ఒకరి ప్రాణం తీసింది
Andhra Pradesh Telugu | Suryaa Desk | Published : Sat, Aug 06, 2022, 10:45 PM
అతివేగం ఏ మాత్రం శ్రేయస్కారం కాదు అని తెలసినా వాహనదార్లలో మార్పు రావడంలేదు. తమ ప్రాణాలనే కాదు ఏ తప్పులేని అమాయకుల ప్రాణాలను అతివేగతంతో వాహనం నడిపి తీసేస్తున్నారు. విజయవాడ పరిధిలోని కంసాలిపేటలో ఓ కారు బీభత్సం సృష్టించింది. ఆడుకుంటున్న పిల్లల పైకి దూసుకెళ్లింది. అనంతరం రోడ్డు పక్కనున్న దుకాణాలను ఢీకొట్టి ఆగిపోయింది. ఈ ఘటనలో 14 ఏళ్ల బాలుడు షకీల్ అక్కడిక్కడే మృతి చెందాడు. అజీమ్, కిషోర్ అనే మరో ఇద్దరు పిల్లలు తీవ్రంగా గాయపడ్డారు. ఆ చిన్నారులను ప్రభుత్వ ఆసుపత్రికి తరలించి చికిత్స అందిస్తున్నారు. ప్రమాదం తర్వాత నిందితులు కారును అక్కడే వదిలేసి పారిపోయారు. ప్రమాదానికి కారణమైన వాహనాన్ని ‘AP07 DJ 3415’ కారుగా పోలీసులు గుర్తించారు. అతివేగం, నిర్లక్ష్యంగా వాహనం నడపడమే ప్రమాదానికి కారణమని పోలీసులు ప్రాథమికంగా భావిస్తున్నారు. ఘటనపై కొత్తపేట పోలీసులు కేసు నమోదు చేసి దర్యాప్తు చేస్తున్నారు.
|
|