ఆ ఫేక్ అకౌంట్ పై చర్యలకు ఫిర్యాదు చేశాం: ఎంపీ కేశినేని నాని

సోషల్ మీడియాలో తన ఏంపీ పేరిటా ఫేక్‌ అకౌంట్‌ క్రియేట్‌ క్రియేట్ చేసి, అందులో అసత్య ప్రచారం చేస్తున్న వారిపై చర్యలు తీసుకోవాలని కోరామని ఎంపీ కేశినేని నాని కార్యాలయం వెల్లడించింది. విజయవాడ టీడీపీ ఎంపీ కేశినేని నాని పేరుతో సోషల్ మీడియాలో ఫేక్ ట్వీట్‌లు కలకలంరేపింది. అధినేత చంద్రబాబు ఢిల్లీ పర్యటనను ఉద్దేశించి నాని ఇలా ట్వీట్ చేశారంటూ జోరుగా ప్రచారం సాగింది. సోషల్ మీడియాలో వైరల్ అవుతున్న ఆ ట్వీట్‌ల‌పై ఎంపీ కార్యాలయం క్లారిటీ ఇచ్చింది. ఎవరో ఫేక్‌ అకౌంట్‌ క్రియేట్‌ చేసి చేస్తున్న తప్పుడు ప్రచారమని ఆగ్రహం వ్యక్తం చేసింది. ఆ ట్వీట్‌లకు ఎంపీ నానికి సంబంధం లేదని.. ఫొటో, పేరుతో నకిలీ అకౌంట్‌ క్రియేట్‌ చేసినట్టు సైబర్‌ క్రైమ్‌ పోలీసులకు ఫిర్యాదు చేసినట్లు తెలిపారు. ఫేక్‌ అకౌంట్‌ క్రియేట్‌ చేసిన వారిపై చర్యలు తీసుకోవాలని కోరామని.. సోషల్‌ మీడియాలో తప్పుడు ప్రచారాన్ని ప్రజలు నమ్మొద్దని అలర్ట్ చేశారు.

ఆ ఫేక్ ట్వీట్‌లలో.. ‘వంగి, వంగి దండాలు పెట్టడమే కాకుండా నన్ను కొంచెం పట్టించుకోండి సార్, మీకు రాజకీయంగా ఎల్లప్పుడూ తోడుగా ఉంటాన్ సార్. మీరు టైం ఇస్తే నేనే వచ్చి కలుస్తాను సార్. ఢిల్లీలో చూసి ఒక వచ్చి రానీ హిందీ సినిమాలోని సన్నివేశం ఇది’అని ఒక ట్వీట్. నరేంద్ర మోదీ వెళ్లే దారిలో నిలబడి కలిసే దుస్తితి వస్తుందని కలలో కూడా అనుకోలేదు.. వీళ్లేమో ఏదేదో ఊహించి రాసేస్తారు’అంటూ మరో ట్వీట్ వైరల్ అయ్యింది.

‘విజయవాడ పార్లమెంటు సభ్యులు శ్రీ కేశినేని శ్రీనివాస్ (నాని) గారి పేరుతో సోషల్ మీడియాలో ఫేక్ అకౌంట్ క్రియేట్ చేసి సోషల్ మీడియాలో పోస్ట్ చేస్తున్నట్లు తెలిసింది. ఎంపి నాని గారికి సంబంధం లేకుండానే .. ఫోటో, పేరుతో నకిలీ అకౌంట్ క్రియేట్ చేసినట్లు సైబర్ క్రైమ్ పోలీసులు ఫిర్యాదు చేసి, ఆ అకౌంట్ క్రియేట్ చేసిన వారిపై చర్యలు తీసుకోవాలని కోరడం జరుగుతుంది. ఎంపీ నాని గారి పేరు మీద నకిలీ అకౌంట్‌ను క్రియేట్ చేసి చేస్తున్న తప్పుడు ప్రచారాన్ని ప్రజలు నమ్మొద్దని కేశినేని భవన్ తరఫున తెలియ చేస్తున్నాము ’అంటూ ఎంపీ కార్యాలయం క్లారిటీ ఇచ్చింది.

మరోవైపు టీడీపీ అధినేత చంద్రబాబు శనివారం ఢిల్లీ పర్యటనకు వెళ్లిన సంగతి తెలిసిందే. అయితే అధినేతకు ఎయిర్‌పోర్టులో టీడీపీ ఎంపీలు ఘన స్వాగతం పలికారు. అనంతరం శాలువాతో సత్కరించారు.. ఎంపీ గల్లా జయదేవ్ పుష్ప గుచ్చాన్ని అధినేతకు అందివ్వాలని ఎంపీ కేశినేని చేతికి ఇవ్వబోయారు. నాని మాత్రం పుష్పగుచ్చాన్ని విసురుగా కొట్టి.. 'మీరే' ఇవ్వండి అని జయదేవ్‌కు సూచించారు. ఈ సీన్ తర్వాత ఎంపీ నాని తీరు చర్చనీయాంశమైంది. కానీ ఆ తర్వాత నానితో కలిసి చంద్రబాబు ఢిల్లీలోనే మరో ఫోటో దిగగా.. ఆ ఫోటో కూడా వైరల్ అయ్యింది. ఎలాంటి విభేదాలు లేవని టీడీపీ వర్గాలు చెప్పాయి.

ఇదిలా ఉంటే.. కొద్దిరోజులుగా విజయవాడలో రాజకీయం వేడెక్కింది కేశినేని బ్రదర్స్ నాని, చిన్ని మధ్య వివాదం నడుస్తోంది. కేశినేని నాని తన ఎంపీ స్టిక్కర్‌ను కొంతమంది దుర్వినియోగం చేస్తున్నారని పోలీసులకు ఫిర్యాదు చేయడం హాట్ టాపిక్ అయ్యింది. తమ్ముడు చిన్నిని ఎంపీ టార్గెట్ చేశారని చర్చ జరిగింది. నాని తమ్ముడు మరింత దూకుడు పెంచి.. మాజీ ఎమ్మెల్యే వంగవీటి రాధాను కలిశారు. తన పుట్టిన రోజు సందర్భంగా విజయవాడ పార్లమెంట్ పరిధిలో కొన్ని కార్యక్రమాలు చేపట్టారు. అయితే తమ్ముడిని టీడీపీ అధిష్టానం ప్రోత్సహిస్తోందని నాని అసహనంతో ఉన్నట్లు విజయవాడలో చర్చ జరుగుతోంది. చర్చ జరుగుతోంది. అయితే ఇటీవల కేశినేని నాని కుమార్తె శ్వేత నిశ్చితార్థ వేడుకకు చంద్రబాబుతో పాటూ లోకేష్‌లు హాజరయ్యారు. అప్పుడు కూడా నాని అందరినీ పలకరిస్తూ ఉత్సాహంగా కనిపించారు. ఇప్పుడు ఢిల్లీ ఘటన, తర్వాత ఫేక్ ట్వీట్‌లు చర్చనీయాంశమయ్యాయి.