‘చాణక్య’ ట్రైలర్ రిలీజ్ డేట్ ఫిక్స్.. !
cinema | Suryaa Desk | Published : Thu, Sep 26, 2019, 01:47 PM
యాక్షన్ హీరో గోపీచంద్ హీరోగా తమిళ దర్శకుడు తిరు దర్శకత్వంలో వస్తోన్న యాక్షన్ స్పై థ్రిల్లర్ చాణక్య. అయితే తాజాగా ఈ సినిమా థియేట్రికల్ ట్రైలర్ రిలీజ్ డేట్ ను అండ్ టైంను ఫిక్స్ చేసుకుంది. రేపు సాయంత్రం ఐదు గంటలకు ట్రైలర్ విడుదల కానుందని చిత్రబృందం పోస్టర్ ద్వారా అధికారికంగా ప్రకటించింది. ఇక ఇటీవలే రిలీజ్ అయిన ఈ సినిమా టీజర్ నెటిజన్లను బాగా ఆకట్టుకుంది. మొత్తానికి టీజర్ సినిమా పై అంచనాలను పెంచింది. మరి ట్రైలర్ ఎలా ఉంటుందో చూడాలి. ఇక ఈ చిత్రంలో థ్రిల్లింగ్ ఎలిమెంట్స్ హైలెట్ గా నిలుస్తాయట. అలాగే ఇండో – పాక్ బోర్డర్ లో వచ్చే సన్నివేశాలు.. మరియు కొన్ని యాక్షన్ సన్నివేశాలు బాగా ఆకట్టుకుంటాయట. ఇక ఈ సినిమాను దసరా పండుగ సందర్భంగా అక్టోబర్ 5న విడుదల చేస్తున్నారు. కాగా ఈ సినిమాలో గోపీచంద్ సరసన మెహరీన్ హీరోయిన్ గా నటిస్తుంది. వీరిద్దరూ జంటగా నటిస్తోన్న రెండో చిత్రమిది. విశాల్ చంద్రశేఖర్ సంగీతం అందిస్తోన్న ఈ చిత్రానికి వెట్రి సినిమాటోగ్రఫీ అందిస్తున్నారు. ఈ సినిమాలో గోపీచంద్ గడ్డంతో ఉన్న మ్యాచో లుక్ లో కనిపించనున్నారు. కాగా గోపీచంద్ టైటిల్ పాత్రలో నటిస్తోన్న ఈ స్పై థ్రిల్లర్ ఎ.కె.ఎంటర్టైన్మెంట్స్ బ్యానర్ పై రామబ్రహ్మం సుంకర నిర్మిస్తున్నారు. మరి గోపీచంద్ ఈ సినిమాతో హిట్ అందుకుంటాడేమో చూడాలి.
|
|