‘MEMU COP’ULAM: నాగబాబు లీడ్ రోల్‌లో కొత్త వెబ్ సిరీస్.. ఓటీటీలో స్ట్రీమింగ్ ఎప్పటి నుంచంటే?

వైవిధ్యమైన కంటెంట్‌తో ప్రేక్షకులకు నచ్చే ఎంటర్‌టైన్‌మెంట్‌ను అందిస్తున్న టాప్ ఓటీటీ ప్లాట్‌ఫామ్ జీ5 మరో కొత్త సిరీస్ స్ట్రీమింగ్ డేట్‌ను తాజాగా ప్రకటించింది.అదే “మేము ‘కాప్’లం”. కామెడీ మరియు మిస్టరీ అంశాల మేళవింపుతో రూపొందిన ఈ సిరీస్, వినోదంతో పాటు ఆసక్తికరమైన కథనాన్ని అందించనుంది. గ్రామీణ నేపథ్యాన్ని ఆధారంగా చేసుకుని, అక్కడి రోజువారీ జీవితం, స్థానిక రాజకీయాలు మరియు ఊహించని పరిణామాలను కలిపి కథను రూపొందించారు.తాజాగా ఈ సిరీస్ టైటిల్‌ను మేకర్స్ ఒక స్పెషల్ వీడియో ద్వారా విడుదల చేయగా, అందులో గెటప్ శ్రీను, జాఫర్ కనిపించారు. ఆ వీడియో అన్ని ప్లాట్‌ఫామ్‌లలో వైరల్‌గా మారి ప్రేక్షకుల దృష్టిని ఆకర్షించింది.రా ఎంటర్‌టైన్‌మెంట్స్ బ్యానర్‌పై బి.వి.ఎస్. రవి, కౌముది కె నేమాని నిర్మాతలుగా ప్రదీప్ మద్దాలి క్రియేటివ్ భాగస్వామ్యంతో ఈ సిరీస్ రూపొందుతోంది. ‘వికటకవి’ ఫేమ్ ప్రదీప్ మద్దాలి దర్శకత్వం వహించగా, శోభన్ చిట్టుప్రోలు కథ అందించారు.ఈ సిరీస్‌లో నాగబాబు కొణిదెల ప్రధాన పాత్రలో కనిపించనున్నారు. గెటప్ శ్రీను, రవితేజ నన్నిమాల కీలక పాత్రల్లో నటించగా, వారి నటన మరియు కామెడీ టైమింగ్ ప్రేక్షకులను ఆకట్టుకోనుంది.కథ గోదావరి జిల్లాల్లోని ఒక గ్రామంలో సంక్రాంతి పండుగ సమయంలో జరుగుతుంది. అక్కడ జరిగే ఒక విచిత్ర సంఘటనతో గ్రామంలో గందరగోళం మొదలవుతుంది. ఆ కేసును విచారించేందుకు ఇద్దరు కొత్త పోలీసులు రంగంలోకి దిగుతారు. ఇది వారికి మొదటి పెద్ద కేస్ కావడంతో కొంత టెన్షన్‌తో పాటు కాన్ఫిడెన్స్ కూడా ఉంటుంది.విచారణలో లభించే క్లూస్, వాటి వెనుక జరిగే పరిణామాలు వినోదాత్మకంగా మారతాయి. ప్రతి ఒక్కరిపై అనుమానం రావడంతో కథ మరింత ఉత్కంఠగా మారుతుంది. చిన్న సంఘటన పెద్ద సమస్యగా ఎలా మారిందన్నదే కథ ప్రధానాంశం.గ్రామీణ నేపథ్యం, బలమైన పాత్రలు, వ్యంగ్య హాస్యం కలగలిపిన ఈ “మేము కాప్’లం” సిరీస్, తెలుగు ZEE5 ఒరిజినల్స్‌లో మరో ప్రత్యేక ప్రాజెక్ట్‌గా నిలవనుంది.ఈ సందర్భంగా నాగబాబు మాట్లాడుతూ, “‘పరువు’ తర్వాత జీ5లో చేస్తున్న నా రెండో సిరీస్ ఇది. కథ, పాత్రలు చాలా నచ్చాయి. ఈ టీమ్‌తో పని చేయడం మంచి అనుభవం. హాస్యంతో పాటు స్థానిక కథను చెప్పే ఈ సిరీస్‌లో భాగం కావడం సంతోషంగా ఉంది. త్వరలోనే జీ5లో స్ట్రీమింగ్ కానుంది” అన్నారు.