సినిమాల్లోకి మాజీ క్రికెటర్ ఇర్ఫాన్ పఠాన్...!

ప్రముఖ మాజీ క్రికెటర్ ఇర్ఫాన్ పఠాన్ కొత్త ఇన్నింగ్స్ను మొదలుపెట్టబోతున్నారు. క్రికెటర్‌గా తానేంటో నిరూపించుకున్న ఇర్ఫాన్ ఇప్పుడు నటన పరంగానూ తానేంటో నిరూపించుకోబోతున్నారు. తొలి సినిమాలోనే విలన్ పాత్రలో నటించబోతున్నారు. అది కూడా స్టార్ హీరో విక్రమ్‌కు. ఇటీవల విక్రమ్ తన 58వ సినిమాకు సంతకం చేశారు. ఇంకా టైటిల్, నటీనటుల వివరాలు వెల్లడి కాలేదు. కానీ ఇందులో ఇర్ఫాన్ విలన్ పాత్రలో నటించనున్నారు. ఈ విషయాన్ని ఇర్ఫానే స్పష్టం చేశారు. తన కొత్త ప్రయాణం కోసం ఎంతో ఆత్రతుగా ఎదురుచూస్తున్నానని ఇర్ఫాన్ మీడియా ద్వారా వెల్లడించారు. క్రికెట్ నుంచి రిటైర్మెంట్ పొందాక ఇర్ఫాన్ ‘ఝలక్ దిఖ్‌లాజా’ అనే డ్యాన్స్ రియాల్టీ షోలో పాల్గొన్నారు. ఇప్పుడు నటుడిగానూ రాణించబోతున్నారు. ఈ సినిమాత ఇర్ఫాన్ తానేంటో నిరూపించుకోగలిగితే ఆయన్ను తెలుగు సినిమాల్లోనూ చూసే అవకాశం అభిమానలకు దక్కుతుంది. ఇక ఇర్ఫాన్ క్రికెట్ కెరీర్ గురించి చెప్పాలంటే.. సక్సెస్‌ఫుల్ ఆల్ రౌండర్‌గా భారతీయ క్రికెట్ చరిత్రలో తన పేరును లిఖించుకున్నారు. తన కెరీర్‌లో మొత్తం 173 మ్యాచ్‌లు ఆడారు. 301 వికెట్లు తీశారు. 2821 పరుగులు తీశారు. తన క్రెడిట్‌లో ఓ సెంచరీ కూడా ఉంది. అన్ని ఫార్మాట్లలో ఇర్ఫాన్ క్రికెట్ ఆడారు. 2007 ఐసీసీ వరల్డ్ టీ20 మ్యాచ్‌లో ఇర్ఫాన్ది కీలక పాత్ర అని చెప్పాలి. ఫాస్ట్ మీడియం స్వింగ్ బౌలర్‌గా తన కెరీర్‌ను మొదలు పెట్టిన ఇర్ఫాన్.. 19 ఏళ్లకే నేషనల్ టీంలో చోటు సంపాదించుకున్నాడు. క్రికెట్ నుంచి బ్యాన్ చేయబడిన మరో క్రికెటర్ శ్రీశాంత్. మ్యాచ్ ఫిక్సింగ్‌కు పాల్పడినందుకు గానూ బీసీసీఐ ఆయన్ను క్రికెట్ నుంచి కొన్నేళ్ల పాటు బహిష్కరించింది. ఈ నేపథ్యంలో ఆయన సినిమాల్లో రాణిస్తున్నారు. తమిళంలో హన్సిక ప్రధాన పాత్రలో నటిస్తున్న సినిమాలో శ్రీశాంత్ విలన్ క్యారెక్టర్ చేస్తున్నారు. వీరే కాదు క్రికెటర్ హర్భజన్ సింగ్ కూడా ఓ తమిళ సినిమాలో నటించబోతున్నారట. క్రికెట్ గాడ్ అయిన సచిన్ తెందుల్కర్ కూడా రిటైర్ అయ్యాక ఆయన జీవితాధారంగా ‘సచిన్ ఎ బిలియన్ డ్రీమ్స్’ అనే బయోపిక్‌ను తెరకెక్కిస్తున్నారని తెలిసి తన పాత్రలో తానే నటిస్తానని అన్నారు. అలా సచిన్ తన సినిమాలో తానే నటించి ఫ్యాన్స్‌ను సర్‌ప్రైజ్ చేశారు. ఇలా క్రికెటర్లు రిటైర్ అయ్యాక సినిమాలనే తమ కెరీర్‌గా మార్చుకుంటున్నారన్నమాట.