ఆ డైరెక్టర్ బండ బూతులు తిట్టాడు : గెటప్ శ్రీను
cinema | Suryaa Desk | Published : Tue, Oct 15, 2019, 02:51 PM
సినిమా ఓ రంగుల ప్రపంచం. తెరపై ఎంత కలర్ఫుల్గా ఉంటుందో.. తెర వెనకాల అంతే పెయిన్ ఫుల్గా ఉంటుంది. సినిమాలో అవకాశాల కోసం అష్టకష్టాలు పడ్డ హీరో హీరోయిన్లు ఎందరో ఉన్నారు. ఒక్క ఛాన్స్ ప్లీజ్ అంటూ ఆఫీసుల చుట్టూ కాళ్లరిగేలా తిరిగి, చివాట్లు తిన్న సందర్భాలు ఎన్నో ఉన్నాయి. పెద్ద హీరోల నుంచి చిన్నచిన్న పాత్రలు పోషించే నటుల వరకు చాలా మంది ఇలాంటి కష్టాలుపడ్డ వారే. జబర్దస్త్లో తన హావభావాలు, గెటప్లతో నవ్వించే గెటప్ శ్రీను కూడా ఇలాంటి చేదు అనుభవాలే ఎదురయ్యాట. సినిమాల్లోకి రాకముందు తాను ఎన్నో కష్టాలు పడ్డానని గెటప్ శ్రీను చెప్పాడు. ఓ యూట్యూబ్ ఛానెల్కి ఇచ్చిన ఇంటర్వ్యూలో తన గత అనుభవాలను పంచుకున్నాడు. కెరీర్ తొలినాళ్లలో అవకాశాల కోసం ఓ అసోసియేట్ డైరెక్టర్కి ఫోన్ కాల్ చేశానని.. ఐతే అతడు బండ బూతులు తిట్టాడని తెలిపాడు శ్రీను. ఇంకోసారి తనకు ఫోన్ చేయద్దని, అతడు చివాట్లు పెట్టాడని వెల్లడించాడు. ఒక మనిషిని ఇలా కూడా తిడతారా.. అని తాను చాలా బాధపడినట్లు చెప్పాడు జబర్దస్త్ శ్రీను. సినిమాల్లోకి రాకముందు టీవీ9, టీవీ1, జెమిని మ్యూజిక్, మా కేబుల్, సీ ఛానెల్, హై మ్యూజిక్, వనిత టీవీల్లో పనిచేశానని తెలిపాడు.
|
|