మళ్లీ వస్తానంటున్న జయమాలిని
cinema | Suryaa Desk | Published : Tue, Oct 15, 2019, 07:10 PM
ఒకప్పుడు శృంగార తారగా తెలుగు వెండితెరపై ఓ వెలుగు వెలిగిన జయమాలిని ఇప్పుడు మళ్లీ తెరమీదకువచ్చేందుకు రడీయేనంటోందట. గతంలోలా డాన్స్ లు చెయ్యనని, మంచి పాత్ర దొరికితే తన లోని నటి ని చూపిస్తానని అంటుందట.
అలమేలుమంగా పేరుతో శృంగార నృత్యాలు చేయటం బాగుండదని, అప్పటికే ఫేమస్గా నిలుస్తున్న కథానాయిక జయలలిత లోని జయని, డ్రీం గర్ల్ అని పేరు తెచ్చుకున్న హేమమాలిని పేరులో మాలిని తీసుకొని జయమాలినిగా ఇండస్ట్రీకి పరిచయమై 1975 లో ఆడదాని అదృష్టం సినిమాలో తొలిసారిగా నాట్యం చేసింది. కొద్దీ కాలం లోనే బిజీ డాన్సర్ గా మారింది. తెలుగు, తమిళ్, మలయాళం. కన్నడ, హిందీ సినిమాలలో దాదాపు 450 లో నటించింది. నందమూరి బాలకృష్ణ గారి మొదటి జోడి ఈమె. అన్నదమ్ముల అనుబంధం చిత్రం లో బాలకృష్ణ కు జోడి గా నటించింది. పలు సినిమాలలో క్యారెక్టర్లు కూడా చేసిన అనుభవం ఉన్నా ఆమెను శృంగార దేవతలానే అభిమానులు ఆరాధించారు. కెరీర్ పీక్లో ఉన్నప్పుడే పెళ్లి చేసుకు వెళ్లిపోయిన జయమాలిని తనదైన బ్రాండ్ ఇప్పటికీ ఇండస్ట్రీలో వేసుకుంది. ప్రస్తుతం బాధ్యతలన్నీ పూర్తి కావటంతో మళ్లీ తెరమీదకు వచ్చే ప్రయత్నాలు ఆరంభించిందట. ఆమె కోరిక తీరాలని, నటి గా రాణించాలని మనమూ కోరుకుందాం.
|
|