ట్రెండింగ్
'లై' నుంచి అర్జున్ ప్రీ లుక్!
cinema | Suryaa Desk | Published : Wed, Jul 05, 2017, 12:59 PM
హను రాఘవపూడి దర్శకత్వంలో 'లై' సినిమా తెరకెక్కుతోంది. విభిన్నమైన కథా కథనాలతో నితిన్ హీరోగా ఆయన ఈ సినిమాను రూపొందిస్తున్నాడు. ఆగస్టు 11న ఈ సినిమాను విడుదల చేయాలనే ఆలోచనలో వున్నారు. దాదాపు విదేశాల్లో చిత్రీకరణ జరుపుకున్న ఈ సినిమాలో, యాక్షన్ కింగ్ అర్జున్ ఒక కీలకమైన పాత్రను పోషించాడు.
ఆయన పాత్రకి సంబంధించిన ప్రీ లుక్ ను కొంతసేపటి క్రితం రిలీజ్ చేశారు. బాత్ టబ్ లో అర్జున్ సేదదీరుతుండగా వెనుక నుంచి తీసిన స్టిల్ ను ప్రీ లుక్ గా రిలీజ్ చేశారు. ఈ పోస్టర్లో అర్జున్ మెడపై వున్న టాటూ ఆయన పాత్ర స్వభావాన్ని తెలియజేస్తోంది. రేపు అర్జున్ ఫస్టులుక్ ను రిలీజ్ చేస్తారట. 'లై' (lie) అనే మాటకు లవ్ .. ఇంటలిజెన్స్ .. ఎనిమీ అనే అర్థం చెప్పారు. ఆసక్తికరమైన కథా కథలతో తెరకెక్కిన ఈ సినిమా ద్వారా, కథానాయికగా మేఘా ఆకాశ్ పరిచయమవుతోన్న సంగతి తెలిసిందే.
|
|