ఎన్టీఆర్ మూవీకి నో చెప్పిన సీనియర్ హీరోయిన్!

తెలుగమ్మాయి లయ టాలీవుడ్ లో కొన్నాళ్లు మంచి చిత్రాలలో నటించారు. 1999లో వచ్చిన స్వయంవరం సినిమాతో హీరోయిన్ గా ఎంట్రీ ఇచ్చిన ఈమె స్కిన్ షోకి దూరంగా నటనకు ఆస్కారం ఉన్న చిత్రాలు చేశారు. 2006లో లయ పెళ్లి చేసుకున్నారు. పెళ్లి తరువాత ఈమె సినిమాలు చేయడం తగ్గించారు. ఐతే గత ఏడాది శ్రీను వైట్ల దర్శకత్వంలో వచ్చిన అమర్ అక్బర్ ఆంటోని చిత్రంలో గెస్ట్ అప్పీరెన్స్ ఇచ్చారు. కాగా 2018లో వచ్చిన ఎన్టీఆర్ చిత్రంలో ఒక పాత్ర చేయాల్సివుండగా లయ తిరస్కరించారట. త్రివిక్రమ్ దర్శకత్వంలో గత ఏడాది విడుదలైన అరవింద సమేత వీర రాఘవ చిత్రంలో క్రూరుడైన ఫ్యాక్షనిస్ట్ బసిరెడ్డి భార్య పాత్రకు లయను సంప్రదించారట.ఐతే కొన్ని కారణాల చేత ఆమె ఆ పాత్రను తిరస్కరించారట. దీనితో ఈ పాత్రను ఈశ్వరి రావు చేయడం జరిగింది. ఈ విషయాన్ని ఇటీవల ఓ ఇంటర్వ్యూలో లయ బయటపెట్టారు. ఐతే ఆమెకు ఎన్టీఆర్ తో నటించాలన్న ఆసక్తి ఉందని, ఎప్పటికైనా నటిస్తాను అన్నారు. జూనియర్‌ ఎన్టీఆర్‌, తివిక్రమ్‌ కాంబినేషన్‌లో ‘అరవింద సమేత’ వచ్చిన సంగతి తెలిసిందే. రాయలసీమ ఫ్యాక్షన్‌ నేపథ్యంలో రూపొందిన ఈ చిత్రం మంచి విజయాన్ని అందుకుంది. బాక్సాఫీస్ దగ్గర కూడా అదిరిపోయే కలెక్షన్స్‌ను రాబట్టింది. ఈ సినిమాలో ఎన్టీఆర్ తన నటనతో అదరగొట్టాడు. ఆయనతో పాటు ముఖ్యంగా బసిరెడ్డి పాత్రలో జగపతి బాబు, బసిరెడ్డి భార్య పాత్రలో ఈశ్వరీరావు అదిరిపోయే నటనతో ఆకట్టుకున్నారు. అది అలా ఉంటే మొదట బసిరెడ్డి భార్య పాత్రకు హీరోయిన్ లయను సంప్రదించారట దర్శక నిర్మాతలు. అయితే 2006లో పెళ్లి చేసుకున్న లయ ఇండస్ట్రీ దూరంగా ఉంటోంది. దీనికి తోడు అమ్మ, వదిన లాంటి పాత్రలు చేసేందుకు ఇష్టపడని ఆమె ఆ పాత్రను తిరస్కరించిందట. దీంతో త్రివిక్రమ్‌ బసిరెడ్డి భార్య పాత్రకు ఈశ్వరీరావును ఎంపిక చేశారు. ఈ విషయాన్ని ఇటీవల ఓ ఇంటర్వ్యూలో పాల్గొన్న లయ బయటపెట్టారు. ఈ సందర్బంగా లయ మాట్లాడుతూ ఎన్టీఆర్‌తో నటించాలన్న ఆసక్తి ఇప్పటికి ఉందని, ఎప్పటికైనా నటిస్తానని తెలిపారు.