జబర్దస్త్ కామెడీ షో పై టాలీవుడ్ అగ్ర దర్శకుడు సంచలన వ్యాఖ్యలు...

తెలుగు టెలివిజన్ రంగంలో జబర్దస్త్ కామెడీ షో ఎంత పాపులర్ అయిందో తెలిసిందే కదా. ఈ షోతోనే ఎంత మంది నటుల జీవితాన్ని మార్చేసింది. అంతేకాదు ఈ షోలో స్కిట్స్ చేసే వాళ్లు ఆ తర్వాత సినిమాల్లో తమ అదృష్టాన్ని పరీక్షించుకున్నారు. తాజాగా ఈటీవీలో ప్రసారమయ్యే జబర్దస్త్ షో పై ప్రముఖ టాలీవుడ్ దర్శకుడు తమ్మారెడ్డి భరద్వాజ సంచలన వ్యాఖ్యలు చేయడం హాట్ టాపిక్‌గా మారింది. రీసెంట్‌గా ఒక మీడియాకు వచ్చిన ఇంటర్వ్యూలో జబర్ధస్త్ షో పై తన అభిప్రాయాలను కుండబద్దలు కొట్టారు. తాను ఇంత వరకు జబర్దస్త్ షోనే చూడలేుద. ఒక్కటంటే ఒక్క ఎపిసోడ్ కూడా చూసింది లేదన్నారు. అయితే ఈ షో నెంబర్ వన్ షో అని మాత్రం విన్నాను. అప్పట్లో శ్యాం ప్రసాద్ రెడ్డి గారు జబర్దస్త్ షోకి సంబంధించి 50 స్కిట్స్ సిటీలను తెచ్చి ఇచ్చారు. ఆ యాభై చూసిన నేను ఒక్కటి కూడా అసలు బాగా లేదని చెప్పాను. ఆ తర్వాత నేను చండాలంగా ఉన్న షో ఇంత పెద్ద షో ఎలా అయిందయ్యా అని చెప్పేసి ఆ సీడీలను శ్యాం ప్రసాదర్ రెడ్డి గారికి రిటర్న్ ఇచ్చేశా. జబర్దస్త్ షోను చూడకపోయినా.. ఆ 50 స్కిట్స్‌ మాత్రం చూసానన్నారు. అంతేకాదు ఈ షో వల్ల సమాజానికి ఏం ఉపయోగం లేదన్నారు. ఇది మాత్రమే కాదు... పనికిరాని సినిమాల వల్ల.. సీరియల్స్ వల్ల కూడా సభ్య సమాజానికి ఉపయోగం లేదన్నారు. మరోవైపు నాగబాబు ఈ షో నుండి తప్పుకోవడం గురించి మాట్లాడుతూ.. ఎవరిష్టం వారిది. నచ్చితే ప్రోగ్రామ్ చేస్తారు. లేకపోతే లేదన్నారు. ఇందులో ఎవరిని తప్పు పట్టాల్సిన అవసరం లేదన్నారు. ఇక 15 ఏళ్లలో రెండంటే రెండు సినిమాలు చేసాను. ప్రజలకు నచ్చకపోవడంతో ఈ సినిమాలు ఆడలేదన్నారు.