సీఎం జగన్కు బర్త్ డే విషెస్ చెప్పిన మహేష్...
cinema | Suryaa Desk | Published : Sat, Dec 21, 2019, 09:42 PM
నేడు ఏపీ సీఎం వైఎస్ జగన్ మోహన్ పుట్టినరోజు సందర్భంగా ఎందరో అభిమానులు ఆయనకు సోషల్ మీడియా వేదికగా పుట్టినరోజు శుభాకాంక్షలు చెబుతున్నారు. ఈ నేపథ్యంలో సూపర్స్టార్ మహేష్ బాబు కూడా జగన్కు బర్త్డే విషెస్ తెలిపారు. ‘‘మన గౌరవనీయ ఆంధ్రప్రదేశ్ రాష్ట్ర ముఖ్యమంత్రి జగన్మోహన్ రెడ్డికి పుట్టినరోజు శుభాకాంక్షలు. మీరు ఎల్లప్పుడూ ఆరోగ్యంగా, సంతోషంగా, విజయవంతంగా ఉండాలని కోరుకుంటున్నాను’’ అని మహేష్ ట్వీట్ చేశారు. మహేష్ బాబు జగన్కు బర్త్డే విషెస్ చెప్పడం సోషల్ మీడియాలో చర్చనీయాంశంగా మారింది. జగన్ అధికారంలో లేనప్పుడు మహేష్ ఎందుకు బర్త్డే విషెస్ చెప్పలేదని పలువురు నెటిజన్స్ ప్రశ్నిస్తున్నారు. మరికొందరైతే మహేష్పై నోటికొచ్చిన కామెంట్స్ చేస్తున్నారు. ఆయన నటించిన ‘సరిలేరు నీకెవ్వరు’ స్పెషల్ షోల కోసం ఈ రకంగా జగన్ను కాకా పడుతున్నారంటూ అమ్మనా బూతులు తిడుతున్నారు. మహేష్ అంటే గిట్టనివారు ఎన్ని మాటలు అన్నా.. ఆయన మాత్రం ఇలాంటివాటికి స్పందించరు. అసలు ఆయన నుంచి వచ్చే సోషల్ మీడియా పోస్ట్లను మహేష్ చేయరు. తన వద్ద పనిచేస్తున్న టీం చేత చేయిస్తుంటారు. అందుకే తనపై వస్తున్న కామెంట్స్ ఏంటో, కాంప్లిమెంట్స్ ఏంటో మహేష్కు అస్సలు తెలీవు. ఒకవేళ తెలిసినా అస్సలు పట్టించుకోరు. అందుకే మహేష్కు అండగా ఎప్పుడూ అభిమానులు ఉంటారు. అధికారంలో ఉన్నవారికే మహేష్ ఇలాంటి విషెస్ చెబుతుంటారని తిడుతున్న నెటిజన్స్కు తమ శైలిలో సరైన బుద్ధి చెబుతున్నారు సూపర్ స్టార్ ఫ్యాన్స్.
|
|