వీళ్ళ ఎఫైర్‌కి ఇప్పట్లో ఎండ్ కార్డ్ ఉండదంట!

యాంకర్ రష్మి, సుడిగాలి సుధీర్‌లపై ఎప్పుడూ హాట్ టాపిక్ నడుస్తూనే ఉంటుంది. జబర్దస్త్, ఢీ షోలతో ఈ ఇద్దరి మధ్య ఆన్ స్క్రీన్ రొమాన్స్ బాగా పడటంతో ఆఫ్ స్క్రీన్‌లో కూడా రష్మి, సుధీర్‌ల మధ్య లవ్ ట్రాక్ నడుస్తోందని ఎప్పటి నుండో గాసిప్ నడుస్తూనే ఉంది. అయితే వీటిపై ఈ ఇద్దరూ పలు సందర్భాల్లో స్పందిస్తూ అలాంటిదేం లేదని కుండబద్దలు కొట్టేసినా.. చాలా యూట్యూబ్ ఛానల్స్‌ ఈ ఇద్దర్నీ జత కలుపుతూ పెళ్లి వరకూ తీసుకువెళ్తూనే ఉన్నాయి. వీరికి మరింత ఊతం ఇస్తూ రాస్తే రాశారులే మనకు కావాల్సిన పబ్లిసిటీ మనకు వస్తుందిగా అనుకుంటున్నారో ఏమో కాని.. సందర్భంగా వచ్చిన ప్రతిసారి ఆన్ స్క్రీన్‌పై సుధీర్, రష్మిలు రొమాన్స్ పండిస్తూ రూమర్స్‌కి బలాన్ని చేకూర్చుతున్నారు. ఇక ఇదే ఇష్యూపై యాంకర్ రష్మి ఈసారి కాస్త భిన్నంగా స్పందించారు. ఓ ఇంటర్వ్యూలో ఆమె మాట్లాడుతూ.. సుధీర్‌తో ఉన్న రిలేషన్‌పై ఓపెన్ అయ్యారు. ‘రష్మి, సుధీర్‌లపై ఎప్పటినుండో చర్చ నడుస్తోంది.. ఈ మధ్య కాలంలో ఎక్కువైంది కూడా.. తరచూ సుధీర్ మిమ్మల్ని ఆరేడేళ్లుగా ప్రేమిస్తున్నానని.. ఓకే చేయమని అంటూ కనిపిస్తున్నాడు.. మీ లవ్ ట్రాక్‌కి ఎండ్ కార్డ్ పడే అవకాశం ఉందా’? అన్న ప్రశ్నకు దిమ్మతిరిగే ఆన్సర్ ఇచ్చింది రష్మి. ‘సుధీర్‌తో నా రిలేషన్ ఏంటన్నది నాకు తెలియదు.. మేం చేసే షోకి ఎండ్ కార్డ్ పడితే.. బహుశా మా రిలేషన్‌కి ఎండ్ కార్డ్ పడొచ్చేమో. షో నడుస్తున్నప్పుడు మాకు ఎండ్ కార్డ్ ఎలా పడుతుంది. మా గురించి చాలా మంది చాలా రకాలుగా రాస్తున్నారు.. అనుకుంటున్నారు.. రాసుకునే వాళ్లు రాసుకోండి.. అనుకునే వాళ్లు అనుకోండి. దీనిపై ఇప్పుడు కూడా నేను క్లారిటీ ఇచ్చే అవకాశం లేదు. ముఖ్యంగా నాకు క్లారిటీ ఇవ్వాలని లేదు.. ఎందుకంటే దానివల్ల నాకేం ప్రాబ్లమ్ లేదు. మీకే ప్రాబ్లమ్. షోలో సుధీర్‌తో నాకు లవ్ ట్రాక్ నడుస్తోంది.. నడవనీయండి. ఇందులో క్లారిటీ ఇవ్వడానికి ఏం ఉంది. పాపం యూట్యూబ్, మీడియా వాళ్లు కూడా బతకాలికదా.. వాళ్లకీ వ్యూస్ కావాలి కదా.. మేం ఎండ్ కార్డ్ పెట్టేస్తే ట్రెండింగ్‌లో ఎలా వస్తాం. ఇలాంటి రూమర్స్‌ మాపై రావాలంటే వీళ్లని ప్రోత్సహించాల్సిన బాధ్యత మాపై ఉంది’ అంటూ దిమ్మతిరిగే ఆన్సర్ ఇచ్చింది రష్మి.