కన్నతల్లి అలాంటి దారుణమైన పరిస్థితుల్లో ఉంటే.. శ్రుతి పట్టించుకోవడం లేదా?
cinema | Suryaa Desk | Published : Mon, Dec 25, 2017, 03:07 PM
కమల్ హాసన్ మాజీ భార్య సారిక విషయంలో వస్తున్న వార్తా కథనాలు అనేక మందిని విస్మయానికి గురి చేస్తున్నాయి. ఒకనొక దశలో మంచి నటిగా పేరు ప్రఖ్యాతులను కలిగి, కమల్ హాసన్ వంటి స్టార్ హీరోను పెళ్లి చేసుకుని ఒక వెలుగు వెలిగింది సారిక. అయితే కమల్ తో ఆమె పెళ్లి పెటాకులు అయ్యింది. ఇద్దరు పిల్లలు ఉన్నప్పటికీ వీళ్లు విడాకులు తీసుకున్నారు.ఇప్పుడు.. ఆమె అత్యంత దారుణమైన పరిస్థితుల్లో ఉన్నట్టుగా మీడియాలో కథనాలు వస్తున్నాయి. కనీసం ఉండటానికి ఇల్లు కూడా లేదట సారికకు. ఇటీవలే సారిక తల్లి మరణించారు. ఆమె తన ఆస్తులన్నింటినీ వేరే ఎవరి పేరనో రాసేశారట. సారికకంటూ ఏమీ లేకుండా పోయిందని సమాచారం.దీంతో ఆమె తలదాచుకోవడానికి ఇల్లుకూడా లేకపోవడంతో బాలీవుడ్ నటుడు ఆమిర్ ఖాన్ స్పందించాడని, ఆమెకు వసతి ఏర్పాట్లు చేశాడని తెలుస్తోంది. ఆమిర్ సోదరికి సారిక ఫ్రెండ్ కావడంతో అతడు స్పందించినట్టుగా తెలుస్తోంది.
ఇక్కడ అంతుబట్టని విషయం ఏమిటంటే.. కమల్ తో సారిక ఎప్పుడో విడిపోయింది. కానీ.. సారికకు ఇద్దరు కూతుళ్లు ఉన్నారు. వాళ్లిద్దరూ సినిమాల్లో బిజీగానే ఉన్నారు. ప్రత్యేకించి శ్రుతి హాసన్ స్టార్ హీరోయిన్ గా వెలుగొందుతోంది. భారీ పారితోషకాలు తీసుకుంటోంది. కన్నతల్లి అలాంటి దారుణమైన పరిస్థితుల్లో ఉంటే.. శ్రుతి పట్టించుకోవడం లేదా? అనేది పెద్ద సందేహం.కమల్ తన మాజీ భార్యను పట్టించుకోవడం లేదన్నా దానికి ఏదో సమాధానం చెప్పుకోవచ్చు కానీ, జన్మనిచ్చిన తల్లి అలాంటి పరిస్థితుల్లో ఉంటే శ్రుతి హాసన్ స్పందించనట్టు అయితే.. అంతకన్నా విస్మయకరమైన విషయం మరోటి ఉండదు.
|
|