పవన్ కళ్యాణ్ ‘వకీల్ సాబ్’లో ఆమె నటన హైలైట్ అట !
cinema | Suryaa Desk | Published : Wed, Mar 04, 2020, 12:11 PM
వేణు శ్రీరామ్ దర్శకత్వంలో పవన్ కళ్యాణ్ హీరోగా మళ్ళీ ‘పింక్’ రీమేక్ ‘వకీల్ సాబ్’తో సినిమాల్లోకి రీఎంట్రీ ఇస్తోన్న సంగతి తెలిసిందే. కాగా ఈ సినిమాలో నివేదా థామస్ కీలక పాత్రలో నటిస్తోన్న సంగతి తెలిసిందే. నివేదా రోల్ చాలా ఎమోషనల్ గా సాగుతుందని.. ఆ పాత్రలో ఆమె అద్భుతంగా నటిస్తోందని తెలుస్తోంది. మొత్తం సినిమాలోనే నివేదా నటన సూపర్ స్పెషల్ గా హైలైట్ గా ఉండబోతోందట. ఇక ఈ చిత్రం యొక్క ఫస్ట్ లుక్ ఫ్యాన్స్ నుండి అద్భుతమైన స్పందన వచ్చింది. పోస్టర్ లో పవన్ కళ్యాణ్ ఫుల్ గడ్డంతో వెలికిలా పడుకుని చేతిలో బుక్ తో వెరీ స్టైలీష్ లుక్ లో కనిపించారు. ఈ పోస్టర్ ఇండియా టాప్ ట్రెండింగ్స్ లో ఒకటిగా నిలిచింది. ఈ చిత్రాన్ని మే నెలలో విడుదలయ్యే అవకాశాలున్నాయి. రాజు, శిరీష్ సంయుక్తంగా నిర్మిస్తున్న ఈ చిత్రాన్ని బోని కపూర్ సమర్పిస్తున్నారు. ఈ రీమేక్ మూవీ ఒరిజినల్ వెర్షన్ కంటే చాలా భిన్నంగా ఉంటుందని తెలుస్తోంది.
|
|