టాలీవుడ్ పై మనసు పారేసుకున్న మలయాళం హీరో
cinema | Suryaa Desk | Published : Wed, Mar 18, 2020, 06:43 PM
తక్కువ టైమ్లోనే స్టార్ హీరోగా పేరు సంపాదించుకున్న దుల్కర్ సల్మాన్కు ఒక్క మాలీవుడ్లోనే కాదు.. మిగతా సౌత్ లాంగ్వేజ్ల్లోనూ క్రేజ్ ఎక్కువే. 'మహానటి' సినిమాతో టాలీవుడ్ లో కూడా తనకంటూ ఒక ప్రత్యేకమైన స్థానాన్ని కల్పించుకున్నారు ఈ మలయాళం హీరో. మహానటి సినిమా తర్వాత దుల్కర్ నటిస్తున్న సినిమాలు తెలుగులో కూడా డబ్ అవుతున్నాయి.ఈ మధ్యనే దుల్కర్-రీతూ వర్మ జంటగా నటించిన 'కనులు కనులను దోచాయంటే' సినిమా తెలుగులో కూడా విడుదలయింది. తాజాగా దుల్కర్ సల్మాన్ తెలుగులో ఒక డైరెక్ట్ మూవీ చేయనున్నట్లు సమాచారం. 'అందాల రాక్షసి' ..'కృష్ణగాడి వీర ప్రేమగాథ' వంటి ప్రేమ కథా చిత్రాలకు దర్శకత్వం వహించిన హను రాఘవపూడి దర్శకత్వంలో దుల్కర్ ఒక సినిమా చేస్తున్నట్లు టాక్ వినపడుతోంది.త్వరలోనే ఈ సినిమా సెట్స్ పైకి వెళ్లే అవకాశాలు ఉన్నాయని సమాచారం. తెలుగుతో పాటు తమిళ .. మలయాళ భాషల్లోను ఈ సినిమాను విడుదల చేయనున్నట్టు వార్తలు వినిపిస్తున్నాయి.
|
|