ఈ సారైనా అఖిల్‌ హిట్ కొట్టేనా... ?

తెలుగు సినిమా లెజెండ్ దాదా సాహెబ్ ఫాల్కే అవార్డు గ్రహీత అక్కినేని నాగేశ్వర రావు మనవడు.. తెలుగుఇండస్ట్రీలో కొడుకులు హీరోలైన ఇప్పటికీ మన్మథుడు ట్యాగ్‌ ఉన్న  అక్కినేని నాగార్జున తనయుడు. ఇన్ని ఉన్న అక్కినేని మూడో తరం రెండో తన వారసుడు అఖిల్‌కు మాత్రం కాలం కలిసి రావడం లేదు. చిన్నపుడే సిసింద్రీగా ఎంట్రీ ఇచ్చి అదరగొట్టాడు. ఆ తర్వాత అక్కినేని కుటుంబం మొత్తం కలిసి నటించిన ‘మనం’ సినిమాలో చివర్లో వచ్చి అందరినీ ఆశ్చర్యపరిచాడు అఖిల్. ఆ తర్వాత తన పేరుతో వినాయక్ దర్శకత్వంలో వచ్చిన ‘అఖిల్’ సినిమాతో హీరోగా ఎంట్రీ ఇచ్చాడు అక్కినేని నట వారసుడు. అఖిల్ హీరోగా ఎంట్రీ ఇచ్చినప్పుడు అంతా అతడు కచ్చితంగా స్టార్ అవుతాడని అనుకున్నారు. చూడ్డానికి గ్లామరస్‌గా ఉండే అఖిల్ మరో మహేశ్ బాబు కావడం గ్యారంటీ ఇండస్ట్రీ వాళ్లు డిసైడయ్యారు. కానీ అఖిల్ విషయంలో ఆడియెన్స్‌తో పాటు ఇండస్ట్రీ వర్గాల అంచనాలన్నీ తారుమయ్యాయి. అంతా బాగానే ఉన్నా... అఖిల్ విషయంలో ఎక్కడో తేడా కొడుతోందనే భావన ఇప్పటికీ సినీజనాల్లో ఉంది. నాగార్జున కేర్ తీసుకుని సినిమాలు చేసినా... అఖిల్‌కు హిట్స్ మాత్రం దక్కడం లేదు. దీంతో ఈ యంగ్ హీరో హిట్ కొట్టడం చాలా కష్టమనే భావన ఆడియెన్స్‌తో పాటు ఇండస్ట్రీలోనూ నెలకొంది.ఇప్పటికే అఖిల్ హీరోగా నటించిన మూడు సినిమాలు ఏవి ప్రేక్షకులను అలరించలేకోయాయి. అంతేకాదు మొదటి సినిమా నుంచి మూడో సినిమా వచ్చే వరకు కలెక్షన్స్ గ్రాఫ్ పడిపోయింది. ఒకప్పటిలా ప్రేక్షకులు ఎక్కువ కాలం ఓ హీరో కోసం ఓపిక పట్టడం లేదు. ప్రస్తుతం అఖిల్‌కు హిట్ ఇచ్చే బాధ్యతను తీసుకున్న స్టార్ ప్రొడ్యూసర్ అల్లు అరవింద్... బొమ్మరిల్లు భాస్కర్ డైరెక్షన్‌లో అఖిల్‌తో  ‘మోస్ట్ ఎలిజిబుల్ బ్యాచిలర్’ సినిమా చేస్తున్నాడు.  బన్నీ వాసు సహ నిర్మాతగా వ్యవహరిస్తున్న ఈ సినిమాపై అల్లు అరవింద్‌తో పాటు నాగార్జున  ప్రత్యేక శ్రద్ధ తీసుకుంటున్నారని తెలుస్తోంది.ఈ సినిమాలో హీరోయిన్‌గా  గోల్డెన్ లెగ్ అనిపించుకున్న పూజా హెగ్డేను ఎంపిక చేసారు. అంతేకాదు ఈ సారి పుట్టినరోజును అభిమానులు ఎవరు సెలబ్రేట్ చేయోద్దరని కోరారు. ప్రస్తుతం కరోనా కారణంగా దేశం క్లిష్ట పరిస్థితుల్లో ఉంది. నేను నా కుటుంబంతో ఓ ఫోటో తీసుకొని సోషల్ మీడియాలో పోస్ట్ చేస్తానని చెప్పాడు.  మొత్తానికి ‘మోస్ట్ ఎలిజిబుల్ బ్యాచిలర్’ సినిమాతోనైనా హీరోగా అఖిల్ సక్సెస్ అందుకుంటాడా లేదా అనేది చూడాలి.