వ్యర్థాన్ని మీరు ధరించగలరా అంటూ ఉపాసన సవాల్
cinema | Suryaa Desk | Published : Thu, May 21, 2020, 12:56 PM
మెగా కోడలు ఉపాసన ఏం చేసినా కూడా సంచలనమే. ఎందుకంటే ఎప్పటికప్పుడు సోషల్ మీడియాలో సరికొత్త ఆలోచనలతో వస్తుంది ఈమె. కేవలం మెడికల్ మాత్రమే కాదు.. ఆరోగ్యకరమైన సూత్రాలను కూడా చెప్పి తనవంతు సాయం చేస్తూనే ఉంటుంది. సామాజిక బాధ్యత విషయంలో కూడా ఉపాసనను తక్కువ చేయలేం. ఏ మాత్రం సిగ్గు పడకుండా తాను చెప్పాలనుకున్న విషయాలను పూస గుచ్చినట్లు చెబుతుంది. ఉపాసన పలు రంగాల్లో ప్రతిభను చాటుతూ తనకంటూ గుర్తింపును తెచ్చుకున్నారు. పోషకాహారం, ఫిట్ నెట్, వంటలు, ఆరోగ్యం, సమాజసేవ ఇలా ఎన్నో అంశాలకు సంబంధించి తన ఆలోచనలు సోషల్ మీడియాలో పంచుకుంటుంటారు. కరోనా నేపథ్యంలో కూడా ఆమె ఎన్నో సలహాలు, సూచనలు చేశారు. తాజాగా సరికొత్త ఆలోచనను అమలు చేసి అందరూ ఆశ్చర్యపోయేలా చేశారు. టెక్స్ టైల్ స్క్రాప్, పాడైపోయిన కండోమ్స్ తో తయారు చేసిన డిజైనర్ దుస్తులను ధరించారు. ఈ సందర్భంగా ఆమె సవాల్ కూడా విసిరారు.'పర్యావరణహితమైన ఫ్యాషన్ దే భవిష్యత్తు. వ్యర్థాన్ని మీరు ధరించగలరా?' అని ప్రశ్నించారు. టాప్ ను టెక్సై టైల్ స్క్రాప్ తో, స్కర్ట్ ను పాడైపోయిన కండోమ్స్ తో తయారు చేశారని తెలిపింది.
|
|