మిహీకాతో తన నిశ్చితార్థ ఫొటోలు షేర్ చేసిన...హీరో రానా
cinema | Suryaa Desk | Published : Thu, May 21, 2020, 12:51 PM
టాలీవుడ్ హీరో రానా దగ్గుబాటి తనకు కాబోయే భార్య మిహీకా బజాజ్ గురించి సోషల్ మీడియా వేదికగా పరిచయం చేసాడు. నిన్న ఇరువురు కుటుంబ సభ్యులు కలుసుకున్నారు. ఎంగేజ్మెంట్ తరహాలో ఓ కార్యక్రమం నిర్వహించారు. పండితులు పెద్దల సమక్షంలో త్వరలో వీళ్ల పెళ్లికి సంబంధించిన వివాహా తేదిని త్వరలో అఫీషియల్గా ప్రకటించనున్నారు. 'ఆమె ఎస్ చెప్పింది' అంటూ ఇటీవల సినీనటుడు రానా చేసిన ప్రకటన చేసిన విషయం తెలిసిందే. తాజాగా, ఇది అఫిషియల్ అంటూ రెండు ఫొటోలు పోస్ట్ చేసి అందరినీ ఆశ్చర్యపర్చాడు. రామానాయుడు స్టూడియోలో నిన్న సాయంత్రం 4 గంటలకు మిహీకా బజాజ్, రానాల నిశ్చితార్ధ వేడుక జరగనుందని నిన్న ఉదయం వార్తలు వచ్చాయి. అయితే, మర్యాదపూర్వకంగానే ఇరు కుటుంబాలు కలుస్తాయని నిన్న రానా తండ్రి సురేష్ బాబు అన్నారు. తాజాగా, రానా పోస్టు చేసిన ఫొటోల్లో ఆయన పంచెకట్టులో, మిహీకా పట్టుచీరలో కనపడ్డారు.ఈ రోజు రానా పోస్ట్ చేసిన ఫొటోలు చూస్తుంటే వారి నిశ్చితార్థం జరిగినట్లు తెలుస్తోంది. ఆయనకు శుభాకాంక్షలు తెలుపుతూ అభిమానులు పెద్ద ఎత్తున ట్వీట్లు చేస్తున్నారు. కరోనా నేపథ్యంలో విధించిన లాక్డౌన్ కారణంగా కొద్ది కుటుంబ సభ్యుల మధ్య వారి నిశ్చితార్థం జరిగినట్లు టాక్. కాగా, వారి పెళ్లి డిసెంబర్లో జరిగే అవకాశం ఉందని ఇప్పటికే సురేష్ బాబు తెలిపారు.
|
|