ప్రియురాలిపై కాల్పులు జరిపి... అమెరికా నటుడు కాల్చుకొని నటుడి సుసైడ్
cinema | Suryaa Desk | Published : Fri, May 22, 2020, 10:40 AM
అమెరికన్ యాక్టర్ హ్యాగెన్ మిల్స్ దారుణానికి పాల్పడ్డారు. తన మాజీ ప్రేయసిపై కాల్పులుకు ఒడిగట్టాడు. అంతటితో ఆగకుండా తనకు తాను కాల్చుకొని ఆత్మహత్య చేసుకొన్నాడు. యూఎస్లోని స్టేట్ ఆఫ్ కెంటకీలో ఈ ఘటన సంచలనం రేపింది. ఈ దారుణ ఘటన వెనుక కారణాలను పోలీసులు అన్వేషిస్తున్నారు. హ్యాగెన్ హిల్స్ ఇలా తీవ్రమైన దాడికి పాల్పడటానికి కారణమేమై ఉంటుందనే కోణంలో దర్యాప్తు చేస్తున్నారు. వివరాల్లోకి వెళితే.ఈ దారుణ ఘటన మంగళవారం చోటు చేసుకుంది. ప్రియురాలు ఎరికా ప్రైస్ ఛాతీలోకి తుపాకీతో కాల్చిన హ్యాగెత్ ... ఆ తర్వాత తన తలలోకి కాల్చుకున్నాడు. దీంతో, అతను అక్కడికక్కడే మరణించాడు. మరోవైపు ఎరికా పరిస్థితి విషమంగా ఉంది. ఆమె చేయి, ఛాతిపై తీవ్ర గాయాలయ్యాయి. కాల్పుల ఘటన జరిగిన సమయంలో వారి నాలుగేళ్ల కూతురు కూడా అక్కడే ఉంది.హ్యాగెన్ కు అమెరికాలో మంచి ప్రేక్షకాదరణ ఉంది. బాస్కెట్ వెబ్ సిరీస్ లో అద్భుతమైన నటనతో ఆయన ప్రేక్షకులను ఆకట్టుకున్నాడు. టీవీ సీరియళ్లు, రెండు చిత్రాల్లో కూడా నటించాడు.
|
|