పవన్ కళ్యాణ్ కోసం ముందుడుగేస్తున్న రామ్ చరణ్
cinema | Suryaa Desk | Published : Wed, Jul 26, 2017, 03:40 PM
సుకుమార్ దర్శకత్వంలో చరణ్ 'రంగస్థలం' సినిమాలో నటిస్తున్న సంగతి తెలిసిందే. ఈ సినిమాను మొదట దసరా కానుకగా విడుదల చేయాలనుకున్నారు కానీ షూటింగ్ ఆలస్యం కావడంతో సంక్రాంతికి వాయిదా వేశారు. కానీ ఇప్పుడు సంక్రాంతికి పవన్, త్రివిక్రమ్ల సినిమా
వస్తుండటంతో.. చరణ్ తన సినిమాను సంక్రాంతి బరి నుండి తప్పించినట్లు తెలుస్తోంది. తన బాబాయ్ సినిమాతో చరణ్ పోటీకి దిగడానికి సిద్ధంగా లేడని తెలుస్తోంది. దీంతో 'రంగస్థలం' సినిమాను సంక్రాంతికి ముందుగానే విడుదల చేస్తే మంచిదని దర్శకనిర్మాతలకు సూచిస్తున్నాడట చరణ్.
పవన్ తన సినిమాను విడుదల చేసి ఎలెక్షన్స్కు సంబంధించిన క్యాంపైనింగ్ను మొదలుపెట్టనున్నారు. ఈ విషయం పట్ల అవగాహన ఉన్న చరణ్ అదే సమయంలో బాబాయ్ సినిమాతో తన సినిమాను విడుదల చేయడం అభిమానులకు రుచించదనే ఆలోచనతో సంక్రాంతి కంటే ముందుగానే తన సినిమాను విడుదల చేయాలనుకుంటున్నారు. గతంలో కూడా చరణ్ 'ధృవ' సినిమాను సంక్రాంతికి విడుదల చేయాలనుకున్నాడు. కానీ చిరు 'ఖైదీ నెంబర్ 150' కూడా అదే సమయంలో రానుందని డిసంబర్లోనే తన సినిమాను విడుదల చేశాడు. ఇప్పుడు కూడా తన బాబాయ్ సినిమా కోసం పండగ సీజన్ను వదులుకొని డిసంబర్లో ‘రంగస్థలం’ మూవీని రంగంలోకి దింపాలనుకుంటున్నాడు.
|
|