నిజమైన ‘శ్రీమంతుడు’ మహేష్ బాబు
cinema | Suryaa Desk | Published : Fri, Jul 17, 2020, 11:50 AM
సాధారణంగానే ఎంతో పరోపకారి అయిన టాలీవుడ్ స్టార్ హీరో మహేష్ బాబు ఇప్పటికే వేల మంది చిన్నారులకు గుండె ఆపరేషన్ చేయించి తనలోనూ ఒక మహనీయుడు ఉన్నాడని ఎన్నోసార్లు చాటిచెప్పారు. తను స్థాపించిన ఫౌండేషన్ కింద ఇప్పటికే ఎంతో మంది హృద్రోగ సమస్యలతో బాధపడుతున్న చిన్నారులకి ఉచితంగా ఆపరేషన్ చేయించారు.అయితే కొన్ని ఆసుపత్రుల తో అనుసంధానమైన ఈ ఫౌండేషన్ కి ఆయా ఆస్పత్రుల వారి వద్దకు గుండె ఆపరేషన్ కోసం వచ్చిన వారి గూర్చి వెంటనే ఫౌండేషన్ కు తెలియజేయడం మరియు ఆ తర్వాత వెంటనే మహేష్ బాబు సంబంధించి ఆపరేషన్ కి అయ్యే ఖర్చు అంతా తనే భరించడం జరుగుతుంది.
కానీ ఇప్పుడు ట్విట్టర్ లో ఎవరో తెలియని ఒక పవన్ కళ్యాణ్ అభిమాని ఒక చిన్నారి గుండె ఆపరేషన్ కు సంబంధించి మహేష్ బాబు ట్విట్టర్ హ్యాండిల్ ను ఉద్దేశించి వెంటనే గుండె ఆపరేషన్ జరిపించేందుకు సాయపడమని మహేష్ ను అభ్యర్థించగా వెంటనే అతని ఫౌండేషన్ స్పందించింది. కాగా కొద్ది గంటల్లోనే వారు అందుకు సంబంధించిన ఏర్పాట్లు అన్ని చేసేయగా ఈ రోజు ఉదయం ఆ చిన్నారికి గుండె ఆపరేషన్ మొదలైపోయింది. దీంతో రాష్ట్రంలో ఏ చిన్నారికి గుండె ఆపరేషన్ జరగవలసి ఉన్నా…. ఆర్థిక స్థోమత లేని ప్రతి ఒక్కరిని మహేష్ బాబు ఇలా ఆదుకోవడం చూసి ఇండస్ట్రీ ప్రముఖులతో పాటు సామాన్య ప్రజలు కూడా అతనిని పొగిడేస్తున్నారు. నిజంగా సామజిక సేవ పట్ల, తోటి ప్రాణం పత్ల మహేష్ చూపిన ఈ అంకితభావం ప్రశంసనీయం.
|
|