ఈ జన్మకి నా భార్య కళ్యాణి మాత్రమే..కన్నీళ్లతో సూర్య కిరణ్...!

భార్యాభర్తల బంధం అంటే తెంచేసుకుంటే తెగిపోయేది కాదు.. విడాకులు అనేవి ఇద్దరి మనుషుల్ని వేరుచేసినా మనసుల్ని మెలిపెడితూనే ఉంటాయి. ఒక్కసారి వద్దనుకుంటే తెగిపోయేది కాదు వివాహ బంధం అంటే.. ఒక్క జన్మకే కాదు ఎన్ని జన్మలెత్తినా భార్య స్థానం భార్యదే. ఇదే విషయాన్ని చాలా ఎమోషనల్‌గా చెప్తున్నాడు దర్శకుడు సూర్య కిరణ్. సత్యం, ధన 51, బ్రహ్మాస్త్రం, రాజు భాయ్ వంటి చిత్రాలతో దర్శకుడిగా తనకంటూ ప్రత్యేకమైన స్థానాన్ని సంపాదించిన దర్శకుడు సూర్య కిరణ్.. గత ఏడేళ్లుగా సినిమాలకు దూరమయ్యారు. రీసెంట్‌గా బిగ్ బాస్ సీజన్ 4లో కంటెస్టెంట్‌గా ఎంట్రీ ఇచ్చిన ఆయన.. తొలివారంలోనే ఎలిమినేట్ అయ్యారు. బిగ్ బాస్ హౌస్‌ని బయటకు వచ్చిన తరువాత బిగ్ బాస్ ఇంటి పరిస్థితులతో పాటు తన పర్శనల్ లైఫ్ విషయాలను షేర్ చేసుకుంటూ భావోద్వేగానికి గురయ్యారు. హీరోయిన్ కళ్యాణిని ప్రేమించి పెళ్లి చేసుకున్న ఆయన.. ఇద్దరి మధ్య విభేదాల కారణంగా 2016లో విడాకులు తీసుకున్న విషయం తెలిసిందే. అయితే కళ్యాణి తన లైఫ్‌లో లేకపోవడం తీరని లోటే అంటూ భావోద్వేగానికి గురయ్యారు దర్శకుడు సూర్యకిరణ్. కళ్యాణి గారు అంటూ అమ్మ తరువాత అమ్మ అంటూ ఎమోషనల్ అయ్యి కన్నీళ్లు పెట్టుకున్నారు. ఆయన మాట్లాడుతూ.. ‘బిగ్ బాస్‌కి వెళ్లడం ద్వారా కళ్యాణిని మిస్ అవ్వడం కాదు.. ఆమెను రోజూ మిస్ అవుతూనే ఉన్నా.. కళ్యాణి గారూ అంటే నా అమ్మ తరువాత అమ్మ. నాకు ఇద్దరు చెల్లెల్లు ఉన్నారు వాళ్లను ఎలాగైతే భావిస్తానో కళ్యాణి గారు అన్నా అంతే గౌరవం. కళ్యాణి గారి స్థానాన్ని ఎవరూ భర్తీ చేయలేరు.. కళ్యాణి గారి కంటే అందంగా నాకు ఎవరూ కనిపించరు. తనకు నేను అవసరం లేదని అనిపించిందేమో.. నాకైతే ఆమె ఇప్పటికీ కావాలనే ఉంటుంది. నా ఫోన్, ఐపాడ్‌లో అన్నీ కళ్యాణి గారి ఫొటోలే ఉంటాయి. మా అమ్మ చెప్తుంటారు.. సిగ్గులేదురా.. ఇంకా.. ఆమె ఫొటోలు పెట్టుకున్నావ్ అని ఆవిడ అంటే ఎందుకు అంత ఇష్టమో తెలియదు కాని.. కళ్యాణి గారూ నాకు చాలా బాగా కనెక్ట్ అయిపోయారు. ఈ జన్మకి నా భార్య అంటే కళ్యాణి మాత్రమే’ అంటూ కన్నీటి పర్యంతం అయ్యారు దర్శకుడు సూర్య కిరణ్.