ప్రవీణ్ సత్తారు .. వరుణ్ తేజ్ కి ఒక కథ వినిపించి, ఆయనతో ఓకే అనిపించేసుకున్నాడనే వార్త !
cinema | Suryaa Desk | Published : Sat, May 22, 2021, 07:35 PM
హీరో రామ్ .. ప్రవీణ్ సత్తారు కాంబినేషన్లో ఆ మధ్య ఒక సినిమా పూజా కార్యక్రమాలను జరుపుకుంది. స్రవంతి మూవీస్ బ్యానర్లో .. భారీ బడ్జెట్ తో ఈ సినిమా నిర్మితం కానున్నట్టుగా చెప్పారు. రెగ్యులర్ షూటింగు మొదలవుతుందని అంతా అనుకుంటూ ఉండగా, ఆ ప్రాజెక్టును పక్కన పెట్టేశారు. అందుకు గల కారణం ఏమిటనేది తెలియదు. ఇక ఇప్పుడు ప్రవీణ్ సత్తారు .. వరుణ్ తేజ్ కి ఒక కథ వినిపించి, ఆయనతో ఓకే అనిపించేసుకున్నాడనే వార్త వినిపిస్తోంది. ప్రస్తుతం ప్రవీణ్ సత్తారు .. నాగార్జున కథానాయకుడిగా ఒక సినిమా చేస్తున్నాడు. ఆ తరువాత ఆయన వరుణ్ తేజ్ ప్రాజెక్టును పట్టాలెక్కించనున్నాడని అంటున్నారు. అయితే గతంలో ఆయన రామ్ తో చేద్దామనుకున్న యాక్షన్ కథనే వరుణ్ తో చేయనున్నాడనే టాక్ వినిపిస్తోంది. ప్రస్తుతం రామ్ .. లింగుస్వామి దర్శకత్వంలో ఒక సినిమా చేస్తున్నాడు. లింగుస్వామి దర్శకత్వంలో రామ్ చేస్తున్న సినిమా కూడా, గతంలో ఆయన బన్నీకి వినిపించినదేనని అంటున్నారు.
|
|