జబర్దస్త్ కమెడియన్ హైపర్ ఆది పై జాగృతి స్టూడెంట్స్ ఆగ్రహం , పోలీస్ స్టేషన్ లో ఫిర్యాదు ?
cinema | Suryaa Desk | Published : Tue, Jun 15, 2021, 02:57 PM
బుల్లితెర నటుడు, జబర్దస్త్ కమెడియన్ హైపర్ ఆది మరో వివాదంలో చిక్కుకున్నాడు. కామెడీతో పాటు కాంట్రవర్సీలు కూడా ఈయనకు ముందు నుంచి అలవాటు. ప్రతీసారి స్కిట్స్లో ఈయన చేసే కామెడీ కొందరి మనోభావాలను దెబ్బ తిస్తూనే ఉంటుందంటూ విమర్శలు వస్తూనే ఉన్నాయి.వ్యక్తుల వరకు అయితే ఓకే కానీ వ్యవస్థను విమర్శిస్తే తిప్పలు తప్పువు. ఇప్పుడు ఇదే జరిగింది. హైపర్ ఆదికి దిమ్మతిరిగే షాక్ తగిలింది.తాజాగా ఓ టీవీ చానెల్ లో తెలంగాణ బతుకమ్మ, గౌరమ్మపై హైపర్ ఆది నోరుజారేశాడు. అదిప్పుడు పెద్ద వివాదమైంది. తెలంగాణ సంస్కృతిని, వారి మనోభావాలను అవమానించారని తెలంగాణ జాగృతి భగ్గుమంది. హైపర్ ఆదికి దిమ్మదిరిగే షాక్ తగిలింది.హైపర్ ఆదిపై తాజాగా తెలంగాణ జాగృతి స్టూడెంట్ ఫెడరేషన్ సభ్యులు ఎల్బీనగర్ పోలీసులకు ఫిర్యాదు చేశారు. తెలంగాణ భాష, యాసను అవమానిస్తూ మాట్లాడాడని ఫిర్యాదులో పేర్కొన్నారు.జూన్ 12న ఆదివారం రోజున ఓ టాప్ టీవీ చానెల్ లో స్కిట్ చేసిన హైపర్ ఆది తెలంగాణ బతుకమ్మను ఆడుతూ.. గౌరమ్మను, తెలంగాణ భాష యాసని కించపరిచేలా స్క్రిప్ట్ చేశాడని ఈ ఫిర్యాదులో పేర్కొన్నారు. ప్రస్తుతం ఆది అన్న మాటలు తెలంగాణ వాదులను ఆగ్రహానికి గురిచేస్తున్నాయి.
|
|