బిగ్ బాస్ హౌజ్ లో ఆస‌క్తిక‌ర స‌న్నివేశాలు

బిగ్ బాస్ తెలుగు సీజన్-5 మూడో వారం కూడా పూర్తి చేసుకోబోతోంది. హౌజ్ లో ప్రతిరోజు కొన్ని ఆస‌క్తిక‌ర స‌న్నివేశాలు చోటుచేసుకుంటున్నాయి. తాజా ఎపిసోడ్ లో షణ్ముఖ్‌ తనను దూరం పెడుతున్నాడని సిరి ఏడ్చేసింది. ఇక ల‌గ్జ‌రీ బ‌డ్జెట్ కోసం బిగ్ బాస్ 'అతికిందంటే అదృష్ట‌మే' అనే టాస్క్ ఇచ్చాడు. ఈ టాస్క్‌లో ఫుడ్‌ ఐటమ్స్‌ రాసి ఉన్న బంతులు గోడకు విసరాలి. ఏవైతే గోడకు అతుకుతాయో అవి హౌజ్ మేట్స్‌కు అందుతాయని బిగ్ బాస్ తెలిపాడు. ఈ టాస్క్‌లో సన్నీ రాణించాడు. మిగతా వాళ్లు కాస్త తడబడ్డారు. మాన‌స్‌ హ‌మీదాకు గోరు ముద్ద‌లు తినిపిస్తూ ముచ్చిటించాడు. న‌ట‌రాజ్ చాలా ఫైర్ అయ్యాడు. ఎలా ఆడాల‌ని తెలియ‌దు. బేసిక్ నాలెడ్జ్ కూడా లేదు. ఏమైనా అంటే ప్రొఫెష‌న‌ల్ డైలాగ్స్ చెబుతారు. బ‌య‌ట అయి ఉంటే కాళ్లు విర‌గ్గొట్టే వాడిని అంటూ సీరియ‌స్ అయ్యాడు. మాస్టర్ ఎవ‌రి గురించి అంటున్నాడో తెలియ‌క సన్నీ, రవి, యానీ మాస్టర్‌, లోబో తలలు పట్టుకున్నారు. ఇక బెస్ట్‌, వ‌ర‌స్ట్ ప‌ర్‌ఫార్మ‌ర్‌ ని ఎన్నుకునే ప్రక్రియలో ఎక్కువ ఓట్లు మాన‌స్‌కి వ‌చ్చిన కార‌ణంగా అతడిని జైలుకి త‌ర‌లించారు. త‌న భార్య గ‌ర్భ‌వ‌తిగా ఉన్నా కూడా బిగ్ బాస్ హౌజ్‌లోకి వచ్చిన న‌ట‌రాజ్ మాస్ట‌ర్‌ కు బిగ్ బాస్ సర్ ప్రైజ్ ఇచ్చాడు. ఇటీవల న‌ట‌రాజ్ మాస్ట‌ర్ భార్య నీతూ సీమంతం వేడుక‌లు జ‌ర‌గ‌గా, అందుకు సంబంధించి వీడియోను హౌజ్ లో ఉన్న టీవీలో చూపించారు. దీంతో నటరాజ్ ఎమోష‌న‌ల్ అయ్యాడు. హ‌మీదా, శ్రీరామ్‌ లు తమ రిలేషన్ షిప్ గురించి ముచ్చ‌టించుకున్నారు. నీకు,మానస్ మ‌ధ్య ఉంది స్నేహం కావ‌చ్చు. కాని మ‌న మ‌ధ్య ఉంది, స్నేహం లేదంటే అంత క‌న్నా ఎక్కువ లేదా త‌క్కువ‌ కూడా అయి ఉండొచ్చు. మనిద్దరి రిలేషన్‌ క్వశ్చన్‌ మార్క్‌లో ఉందని శ్రీరామ్‌ చెప్పడంతో హ‌మీదాకు న‌వ్వు వ‌చ్చేసింది. ఇక ఈ రోజు శనివారం కావ‌డంతో నాగార్జున రానున్నారు.