ట్రెండింగ్
రంగస్థలం ఇంకా పది నిముషాలు ఉందట
cinema | Suryaa Desk | Published : Mon, Apr 02, 2018, 05:56 PM
రంగస్థలం 100 కోట్ల గ్రాస్ సాధించిన సందర్భంగా టీం అంతా కలిసి ఈ రోజు సక్సెస్ మీట్ ని గ్రాండ్ గా సెలెబ్రేట్ చేసుకున్నారు. మీడియా ప్రతినిధులు అడిగిన ప్రశ్నలకు చాలా ఓపిగ్గా బదులిచ్చిన యూనిట్ మెంబెర్స్ మొత్తానికి ఊహించిన దాని కన్నా సినిమా ఘన విజయం సాధించడంతో ఆ ఆనందం మొహాల్లో స్పష్టంగా కనిపించింది. విడుదలకు ముందు నుంచే మూడు గంటల లెంగ్త్ గురించి వచ్చిన ఫిర్యాదు గురించి సుకుమార్ నేరుగానే స్పందించాడు. ఎమోషన్ ని క్యారీ చేయటం కోసం అంత వ్యవధి ఉండటంలో తప్పు లేదని ఆ నిర్ణయం తీసుకున్నానని ప్రేక్షకులకు సినిమా నచ్చి ఎక్కువ లెంగ్త్ అనే లోపాన్ని క్షమిస్తారనే నమ్మకంతోనే అలాగే ఉంచేసానని స్పష్టం చేసాడు. ఇవాళ వాళ్ళ స్పందన చూస్తుంటే నా నమ్మకం నిజమైనందుకు సంతోషం వ్యక్తం చేసాడు సుకుమార్.
కాకపోతే ఇప్పుడు చూసిన లెంగ్త్ తో పాటు మరో 10 నిమిషాల ట్రాక్ ఎడిటింగ్ లో తీసేసామని ఒప్పుకుంటే కలపడానికి సిద్ధంగా ఉన్నామని ప్రకటించేసాడు సుక్కు. అది మరో వారం తర్వాతనా లేక ఇంకొద్ది రోజులు ఆగి చేస్తారా బయట పెట్టలేదు. కమెడియన్ పృథ్వి మీద షూట్ చేసిన సీన్స్ తో పాటు రామ్ చరణ్ సమంతా మధ్య లవ్ ట్రాక్ కు సంబంధించి ఒకటి రెండు సన్నివేశాలు అందులో ఉండొచ్చని తెలిసింది. మరి కలపడం గురించి సీరియస్ గా అన్నాడో లేక టాలీవుడ్ లో పెద్దగా అచ్చి రాని ఈ సన్నివేశాలు జోడించే సెంటిమెంట్ ని దృష్టిలో ఉంచుకుని వదిలేస్తాడో చూడాలి. మొత్తానికి దర్శకుడిగా సుకుమార్ కు హీరో గా రామ్ చరణ్ కు కెరీర్ బెస్ట్ గా మిగిలిన రంగస్థలం రికార్డుల పర్వం కొనసాగుతూనే ఉంది. ఓవర్సీస్ లో మూడు మిలియన్ మార్క్ వైపు వేగంగా పరుగులు పెడుతున్న రంగస్థలం ఇంకెన్ని అద్భుతాలు చేయనుందో అని ఫాన్స్ ఎదురు చూస్తున్నారు.
|
|