రజనీకాంత్ ఆరోగ్యంపై అప్ డేట్
cinema | Suryaa Desk | Published : Fri, Oct 29, 2021, 11:27 AM
సూపర్ స్టార్ రజనీకాంత్ ఆరోగ్యంపై ఆయన భార్య లతా రజనీకాంత్ స్పందించారు. సోషల్ మీడియాలో వస్తున్న వదంతులను నమ్మవద్దని ఫ్యాన్స్ ను కోరారు. సాధారణ హెల్త్ చెకప్ లో భాగంగానే రజనీకాంత్ ఆసుపత్రిలో చేరారని చెప్పారు. అభిమానులు ఆందోళన చెందవద్దని కోరారు. ఆయన ఆరోగ్యంగానే ఉన్నారని పేర్కొన్నారు. కాగా గురువారం సాయంత్రం రజినీకాంత్ చెన్నైలోని కావేరి ఆసుపత్రిలో చేరిన విషయం తెలిసిందే. 2 రోజుల క్రితమే ఢిల్లీ నుంచి వచ్చిన రజినీకాంత్ గురువారం సాయంత్రం అకస్మాత్తుగా ఆసుపత్రిలో చేరడంతో అభిమానులు తీవ్ర ఆందోళనకు గురయ్యారు. రజనీకాంత్ చికిత్స పొందుతున్న కావేరి ఆస్పత్రి ముందు ఆయన అభిమానులు ఆందోళనకు దిగారు. ప్రస్తుతం రజనీకాంత్ ఐసీయూలో ఉన్నారని, కానీ ఆరోగ్య పరిస్థితి బాగానే ఉందని ఆయన సన్నిహితులు చెబుతున్నారు. కాసేపట్లో ఆయన ఆరోగ్యంపై హెల్త్ బులిటెన్ విడుదల చేయనున్నారు.
|
|