"ఏజెంట్" కోసం అఖిల్ ని ఇబ్బందిపెడుతున్న సురేందర్ రెడ్డి

అక్కినేని వారసులుగా నాగార్జున క్లాస్ హీరోగానే ఎక్కువ పేరు తెచ్చుకున్నారు. ఆయన నట వారసులు నాగ చైతన్య అఖిల్ సైతం అదే రూట్లో వెళ్తూ వచ్చారు.
అయితే అఖిల్ మాత్రం ఇపుడు ఒక్కసారిగా టర్న్ తీసుకున్నారు. ఇకపైన తన రూటే సెపరేట్ అంటున్నాడు. పక్కా మాస్ హీరో ఇమేజ్ కోసం అఖిల్ ఏకంగా తపస్సే చేస్తున్నాడు.  కఠినమైన కసరత్తులు చేస్తూ భారీగా కండలు పెంచేస్తున్నాడు.
అఖిల్ తో మాస్ డైరెక్టర్ సురేందర్ రెడ్డి తీస్తున్న "ఏజెంట్" మూవీ కోసం అఖిల్ పడుతున్న కష్టం చూస్తూంటే మాస్ ఇమేజ్ మీద తపన ఏ రేంజిలో ఉందో అర్ధమవుతోంది. అఖిల్ అంటే సాఫ్ట్ బాయ్ గానే ఇప్పటిదాకా గుర్తింపు ఉంది. అంతే కాదు అఖిల్ ని  లవర్ బాయ్ అంటారు. తండ్రి నాగార్జున రొమాంటిక్ కింగ్ కాబట్టి  దాంతో ఆ ఇమేజ్ ని కంటిన్యూ చేస్తూ అయిదు సినిమాలు చేశాడు. అయితే అందులో మోస్ట్ ఎలిజబుల్ బ్యాచలర్ తప్ప మరేమీ పెద్దగా ఆశించిన స్థాయికి రాలేదు.
ఇక అక్కినేని వంశానికి ఉన్న క్లాస్ ముద్రను తొలగించాలని కూడా అఖిల్ గట్టిగానే కంకణం కట్టుకున్నట్లుగా కనిపిస్తోంది. అందుకే ఏజెంట్ తో ఏకంగా తన లుక్కే కాదు బాడీ స్టైల్ ని కూడా మార్చేస్తున్నాడు. వర్కౌట్స్ హెవీగా చేస్తూ మాస్ గా మారిపోతున్నాడు. ఈ మూవీకి ఇది అవసరమని భావించడంతో డైరెక్టర్ సురేందర్ రెడ్డి సూచనలతో అఖిల్ సిక్స్ ప్యాక్ తో అదరహో అన్నట్లుగా తయారవుతున్నాడు.
అఖిల్ ఏజ్ ఇంకా తక్కువే కాబట్టి ఆయన లవర్ బాయ్ ఇమేజ్ తో మరిన్నాళ్ళు ట్రావెల్ చేస్తే బాగుంటుంది అనేవారు  ఉన్నారు. ఇక మాస్ మూవీస్ తోనే బాక్సాఫీస్ షేక్ చేయాలని అఖిల్ టార్గెట్ పెట్టుకున్నాడు.  ఐతే  ఏజెంట్ తో అఖిల్ పడుతున్న కష్టానికి ఫలితం వస్తుందా అన్నది చూడాలి. ఏది ఏమైనా అక్కినేని వారింట యువ రాజకుమారుడిగా ఉన్న అఖిల్ ఇలా మాస్ అప్పీల్ తో ముందుకు వస్తే లేడీ ఫ్యాన్  ఎలా రియాక్ట్ అవుతుందో కూడా ఆసక్తికరంగానే ఉంది.