'రాధేశ్యామ్' మూవీ ఫస్ట్ రివ్యూ మీకోసం..
cinema | Suryaa Desk | Published : Sun, Mar 06, 2022, 04:17 PM
'రాధేశ్యామ్' సినిమా మార్చి 11న ప్రపంచవ్యాప్తంగా థియేటర్లలో విడుదల కానుంది. రాధాకృష్ణ డైరెక్షన్ లో ప్రభాస్, పూజాహెగ్డే నటించిన ఈ సినిమా పీరియాడికల్ లవ్స్టోరీగా తెరకెక్కిన విషయం తెలిసిందే. అయితే తాజాగా ఈ సినిమా వీక్షించిన సెన్సార్ బోర్డు సభ్యుడు, సినీ విశ్లేషకుడు ఉమైర్ సంధు సినిమా గురించి ఫస్ట్ రివ్యూ ఇచ్చారు. సినిమా అద్భుతంగా ఉందని చెప్పారు.
"ప్రభాస్ క్లాస్, స్టైల్ ను భారత్ లో ఎవరూ బీట్ చేయలేరు. రాధేశ్యామ్ లో ఎంతో అందంగా ఉన్నారు. ఆయన నటన అద్భుతంగా ఉంది. ఈ సినిమాలో వీఎఫ్ఎక్స్ కళ్లు చెదిరేలా ఉన్నాయి. ప్రభాస్, పూజాహెగ్డే కెమిస్ట్రీ బాగుంది. ఇది అద్భుతమైన సినిమా. ఇక క్లైమాక్స్ ఓ అద్భుతమైన అనుభూతి. ఎవరూ ఊహించనంతగా ఉంది. సినిమాకే హైలెట్గా నిలుస్తుంది. మాటల్లో చెప్పలేను." అని ఆయన ట్వీట్ చేశారు. ఈ సినిమాకు రాజమౌళి వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
|
|