ఆర్ ఆర్ ఆర్ నిడివి 3గంటలకుపైనే... కోతకు సిద్ధమైన జక్కన్న
cinema | Suryaa Desk | Published : Fri, Mar 18, 2022, 01:30 PM
టాలీవుడ్ దర్శకధీరుడు రాజమౌళి ఎంతో ప్రతిష్టాత్మకంగా తెరకెక్కించిన చిత్రం ఆర్ ఆర్ ఆర్. ఈ సినిమాతో పాన్ ఇండియా మల్టి స్టారర్ మూవీ తీసిన దర్శకుడిగా ఖ్యాతి గడించాడు రాజమౌళి. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్, బాలీవుడ్ యాక్షన్ కింగ్ అజయ్ దేవగణ్, ఆలియా భట్, శ్రియా శరణ్, ఒలీవియా ఈ సినిమాలో ముఖ్య పాత్రలు పోషిస్తున్నారు. ఎన్నో వాయిదాల తర్వాత మార్చి 25న ప్రపంచవ్యాప్తంగా విడుదలవాటానికి ఈ సినిమా సిద్ధమైంది.
తాజాగా ఈ సినిమా సెన్సార్ పూర్తి చేసుకుని యూ/ఏ సర్టిఫికెట్ పొందింది. ఈ చిత్ర నిడివి 3గంటల 6నిమిషాల 54సెకన్లుగా ఉంది. విరామ సమయంతో కలిపి మొత్తం మూడు గంటల పదిహేను నిమిషాల నిడివి ఉండనుంది ఈ సినిమా. రాజమౌళి చిత్రాలలో ఇంత భారీ నిడివి ఉన్న సినిమాలేవీ లేవు. దీంతో రన్ టైం ఎక్కువని భావించిన జక్కన్న ఈ సినిమాలోని ఒక కీలక సన్నివేశాన్ని తొలగించాడని తెలుస్తుంది. కొమరం భీం పాత్రకు సంబంధించి దాదాపు నిమిషమున్నర ఉండే ఒక కీలక సన్నివేశాన్ని రాజమౌళి కట్ చేసినట్లు టాక్ వినిపిస్తోంది. నిముషమున్నర అంటే... ఆ సీన్ మూవీలో ఎంత ఇంపార్టెంటో అర్ధమవుతుంది. మరి అలాంటి సన్నివేశాన్ని తొలగించడం పట్ల ఎన్టీఆర్ అభిమానులు ఆగ్రహం వ్యక్తం చేస్తున్నారు. తమ అభిమాన హీరో సీన్ ను కాకుండా సినిమాలో అవసరం లేని మరో సన్నివేశాన్ని తొలగించొచ్చు కదా అని రాజమౌళి మీద మంది పడుతున్నారు యంగ్ టైగర్ ఫ్యాన్స్.
|
|