రోడ్డు ప్రమాదంలో జూనియర్ ఆర్టిస్ట్ మృతి
cinema | Suryaa Desk | Published : Sat, Mar 19, 2022, 02:28 PM
నిన్న రాత్రి గచ్చిబౌలిలో జరిగిన రోడ్డు ప్రమాదంలో యూట్యూబర్, నటి డాలీ మృతి చెందింది. ఈ విషయాన్ని ప్రముఖ నటి సురేఖా వాణి వెల్లడించారు. పోలీసులు కథనం ప్రకారం.. డాలీ అసలు పేరు గాయత్రీ. సిని పరిశ్రమలో జూనియర్ ఆర్టిస్టుగా పని చేస్తుంది. అయితే ఈ ప్రమాద సమయలో డాలీతో పాటు రోహిత్ అనే వ్యక్తి కూడా ఉన్నాడు. డాలీకి రోహిత్ తో గతకొంత కాలంగా పరిచయం ఉన్నట్టు తెలిపారు. నిన్న హోళి సందర్భంగా రోహిత్ డాలీని ఇంటి వద్ద పికప్ చేసుకోని ప్రిసంపబ్ లో ఇద్దరు పార్టీ చేసున్నారు. పార్టీ అనంతరం ఇంటికి తిరుగు సమయంలో ఈ ప్రమాదం జరిగింది. గాయత్రి కారును నడిపించగా, అతివేగమే ఈ ప్రమాదానికి కారణమని పోలీసులు వెల్లడించారు. ఈ ప్రమాదంలో గాయత్రి చనిపోగా, రోహిత్ తీవ్రంగా గాయపడ్డాడు. ప్రస్తుతం ఆతను ఐసియులో వెంటిలేటర్ పై చికిత్స పొందుతున్నట్టు పోలీసులు పేర్కొన్నారు. ఇదిలా ఉండగా.. నటి సురేఖావాణి గాయంత్రీ మృతిపై తన ఇన్ స్టాగ్రామ్ స్టోరీస్ లో గాయత్రీతో కలిసి ఉన్న ఫోటోను షేర్ చేసి.. “డాలీ ఇది అన్యాయం.. నమ్మడానికి కష్టంగా ఉంది.. నీతో నాకున్న అద్భుతమైన జ్ఞాపకాలు ఉన్నాయని, నాకు అసలు మాటలు రావడం లేదని, టోటల్లీ బ్లాంక్” అంటూ తన భావోద్వేగానికి గురువుతూ.. పోస్టు చేసింది.
|
|