వరుణ్ పెళ్లి పై స్పందించిన బాబు!

మెగా స్టార్ చిరంజీవి తమ్ముడు నాగబాబు ముక్కుసూటి మనిషి. ఏ విషయంపైనైనా ఓపెన్ గా మాట్లాడే సత్తా ఉన్న మనిషి. మెగా ఫ్యామిలీని ఎవరైనా టార్గెట్ చేస్తే ముందుగా రంగంలోకి దిగేది నాగబాబే.ఈయన సోషల్ మీడియాలో ఎప్పుడు యాక్టివ్ గా ఉంటారు. ఎప్పుడు ఏదోక గొడవలు ఈయన చుట్టూ తిరుగుతుంటాయి. ఇక సరదా సంభాషణలోనూ నాగబాబు అందరితో కలివిడిగా కలిసిపోతారు. ముఖ్యంగా మెగా ఫ్యాన్స్ తో ముచ్చటిండం అంటే ఆయనకు ఎంతో సరదా.అప్పుడప్పుడు సోషల్ మీడియా వేదికగా ఫ్యాన్స్ కి టచ్ లోకి వస్తుంటారు. ఆ చనువుతోనే కూతురు నిహారిక పెళ్లి విషయంలో మీ సలహాలు సూచనలు సైతం కావాలని నిహారిక పెళ్లికి ముందు కోరారు. నిహారికకి మంచి వరుడు ఉంటే చూడండని పబ్లిక్ గానే చెప్పారు. అల్లరి పిల్లని ఇంట్లో భరించడం కష్టంగా ఉంది.

పెళ్లి చేసి పంపిచేస్తాను అని సరదాగా ఫ్యాన్స్ తో సంభాషణలో భాగంగా అన్నారు. చివరికి నిహారిక పెళ్లి మెగాస్టార్ చిరంజీవి కోరిక మేరకు అన్నయ్య చూసిన సంబంధాన్నే ఖాయం చేసి ముందుకెళ్లారు. ప్రస్తుతం నిహారిక -చైతన్యల ధాంపత్య జీవితం సంతోషంగా సాగిపోతుంది. ఆ మధ్య వేరు కాపురం కూడా పెట్టినట్లు రివీల్ చేసారు.ఇక మెగా బ్రదర్స్ ఫ్యామిలీలో పెళ్లికున్నది వరుణ్ తేజ్ ఒక్కడే. తాజాగా అభిమానులతో నాగబాబు చిట్ చాట్ లో భాగంగా ఓ నెటిజన్ వరుణ్ తేజ్ పెళ్లి ఎప్పుడు సార్ అని అడిగాడు? దీనికి నేను కాదు..వరుణ్ తేజ్ సమాధానం ఇస్తాడని నాగబాబు అన్నారు. అయితే గతంలో ఇదే ప్రశ్న నాగబాబు ముందుకు ఓ అభిమాని రూపంలో వెళ్లినప్పడు మరో రకమైన రిప్లై వచ్చింది.

మంచి అమ్మాయి ఉంటే చూడమని నాగబాబు కోరారు. దానికి ఆ నెటిజన్ అలాగే సార్ అని అన్నాడు. అదే సందర్భంలో వరుణ్ లవ్ మ్యారేజ్ చేసుకున్నా తనకు ఎలాంటి అభ్యంతరం లేదని కూడా నాగబాబు అన్నారు. మొత్తానికి పెళ్లి విషయంలో వరుణ్ కి నాగబాబు పూర్తి స్వేచ్ఛ ఇచ్చినట్లు కనిపిస్తుంది.ప్రస్తుతం వరుణ్ తేజ్ `గని` చిత్రంలో నటిస్తున్నాడు. వరుణ్ గని చిత్రంలో బాక్సర్ పాత్రలో ప్రేక్షకులను పలకరించనున్నాడు. దాదాపు అన్ని పనులు పూర్తి చేసుకున్న ఈ చిత్రం ఏప్రిల్ లో ప్రేక్షకుల ముందుకు రానుంది. అలాగే వరుణ్ అనీల్ రావిపూడి డైరెక్షన్లో `ఎఫ్ -3`లోనూ నటిస్తున్నాడు. `ఎఫ్ -2`కి సీక్వెల్ గా తెరకెక్కుతున్న ఈ చిత్రం పై భారీ అంచనాలు ఉన్నాయి.