మా ఇద్దరికీ ఆ విషయంలోనే తేడాలు - పవన్ కళ్యాణ్
cinema | Suryaa Desk | Published : Sat, Mar 26, 2022, 02:44 PM
పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ ల మధ్య విడదీయరాని స్నేహానుబంధముందని అందరికీ తెలిసిందే. పవన్ ఎవరిమాట విన్నా వినకున్నా త్రివిక్రమ్ మాటలను ఖాతరు చేస్తాడని బయట టాక్. వీరిద్దరి మధ్య స్నేహాన్ని చాలాసార్లు బహిరంగంగానే చెప్పిన సందర్భాలున్నాయి. ప్రతీ విషయంలో ఏకాభిప్రాయం కలిగిన వీరిరువురికీ ఒక విషయంలో మాత్రం పొసగట్లేదట. ఈ విషయాన్ని స్వయంగా పవన్ తెలపటం విశేషం.
తాజాగా హైద్రాబాద్లో జరిగిన ఒక పుస్తకావిష్కరణలో పాల్గొన్న పవన్ తన స్నేహితుడు త్రివిక్రంపై ఆసక్తికరమైన వ్యాఖ్యలు చేసారు. "బేసిగ్గా ఇద్దరం పుస్తకాల పురుగులమే. ఒక పుస్తకాన్ని చదవటం మొదలుపెడితే దాని పూర్తి చేసేవరకు వదిలిపెట్టం. నా దగ్గర ఉన్న పుస్తకాల్లో ఒకటి త్రివిక్రమ్ కు బాగా నచ్చింది. ఆ పుస్తకాన్ని తనకొకసారి ఇవ్వమని అడగ్గా నేనస్సలివ్వలేదు. కావాల్సివస్తే ఒక సినిమా ఫ్రీగానైనా చేస్తా గానీ ఆ పుస్తకం మాత్రం ఇవ్వనని ఖరాఖండిగా చెప్పేసాను." అంటూ ఇటీవల వారిద్దరి మధ్య జరిగిన సంఘటనను పంచుకున్నారు. పవన్ చేసిన ఈ వ్యాఖ్యల వీడియో ప్రస్తుతం నెట్టింట్లో వైరలవుతుంది.
|
|