అల్లూరి పాత్రను వేరేలా అర్ధం చేసుకున్న బాలీవుడ్
cinema | Suryaa Desk | Published : Sat, Mar 26, 2022, 02:47 PM
ఎస్.ఎస్ రాజమౌళి దర్శకత్వంలో జూనియర్ ఎన్టీయార్, రామ్ చరణ్ తేజ్ లు కలిసి నటించిన చిత్రం ఆర్ ఆర్ ఆర్. ప్రపంచవ్యాప్తంగా నిన్న విడుదలైన ఈ సినిమా ప్రేక్షకులను విపరీతంగా ఆకట్టుకుంటుంది. బాక్సాఫీస్ వద్ద రికార్డుల మోత మోగిస్తుంది. ఈ చిత్రంలో రామ్ చరణ్ మన్యం వీరుడు అల్లూరి సీతారామరాజుగా, తారక్ గోండు బెబ్బులి కొమురం భీమ్ గా నటించి ప్రేక్షకుల మన్ననలను పొందుతున్నారు.
అల్లూరి సీతారామరాజు, కొమురం భీమ్ లు ఇద్దరు కూడా విప్లవ భావాలు కలిగిన నాయకులు. చిన్నతనంలోనే దేశ స్వాతంత్య్రం కోసం పోరాటం చేసిన వీరులు. ఈ ఇద్దరినీ ఇన్స్పైర్ చేసుకుని ఒక ఊహాజనిత కథకు ప్రాణం పోశారు ఈ చిత్ర రచయిత విజయేంద్రప్రసాద్. ఈ రెండు పాత్రల గురించి తెలుగు ప్రేక్షకులకు తెలిసినంతగా హిందీ వాళ్లకు తెలియకపోవడంతో ఆర్ ఆర్ ఆర్ క్లైమాక్స్ లో చరణ్ అల్లూరి గెటప్ ను శ్రీరాముడిగా అనుకుంటున్నారట. ఉత్తరాదిన అల్లూరి గురించి ఎక్కువగా పబ్లిసిటీ చేయకపోవటం, తెలుగువాడైన అల్లూరి స్వాతంత్ర సమరయోధుడని వారికి తెలియకపోవడం వల్లే ఈ పరిస్థితి. ఈ విషయం మనకు కొంచెం విడ్డూరంగానే అనిపిస్తుంది. అయితే హిందీ వాళ్ళు ఆలా అనుకోవటంలో తప్పేం లేదు. ఎందుకంటే క్లైమాక్స్ లో చరణ్ విల్లు పట్టుకుని, జులపాలతో అచ్చు రాముడిలానే కనిపిస్తాడు. ఎప్పుడైనా ఎవరైనా రామాయణం తీస్తే అందులో రాముడిగా చరణ్ ను ఎంపిక చేసుకోవచ్చు. రాముడి పాత్రకు చరణైతే న్యాయం చేస్తాడని నార్త్ నెటిజన్లు సోషల్ మీడియాలో కామెంట్లు పెడుతున్నారు.
|
|