విజయ్ సరసన మహేష్ 'వన్' హీరోయిన్?
cinema | Suryaa Desk | Published : Wed, Mar 30, 2022, 12:07 PM
ఇటీవలే బచ్చన్ పాండే సినిమాతో బాలీవుడ్ ప్రేక్షకులను అలరించింది హీరోయిన్ కృతిసనన్. బాలీవుడ్ లో స్టార్ హీరోయిన్ హోదాలో ఉన్న కృతి మిగిలిన చిత్రసీమలలో కూడా పాగా వేయాలనుకుంటుంది. ఈ మేరకు ఆమె దృష్టి తమిళ చిత్రసీమవైపు పడింది. కృతి తమిళచిత్ర రంగ ప్రవేశానికి రంగం కూడా సిద్ధమైంది.
తమిళ స్టార్ హీరో విజయ్ 66వ సినిమాలో హీరోయిన్గా కృతిసనన్ అయితే బాగుంటుందనే ఆలోచనలో వున్నారట ఈ మూవీ దర్శకుడు వంశీ పైడిపల్లి. తమిళంతో పాటు తెలుగులో కూడా రూపొందుతున్న ఈ ద్విభాషా చిత్రంలో హీరోయిన్గా మొదట మిల్కీ వైట్ బ్యూటీ తమన్నా, క్రేజీ హీరోయిన్ రష్మిక పేర్లు వినబడ్డాయి. ఇప్పుడు కృతిసనన్ పేరు తెరపైకి వచ్చింది. దాదాపు కృతినే ఈ సినిమాలో ఖాయమయ్యేటట్టుందని అనుకుంటున్నారు. ప్రకాష్ రాజ్, వివేక్ ఒబేరాయ్ ముఖ్యపాత్రలు పోషిస్తున్న ఈ చిత్ర షూటింగ్ ఏప్రిల్ 2నుండి ప్రారంభం కానుందని సమాచారం. హీరోయిన్ తో పాటు ఈ మూవీ కి సంబంధించిన మిగిలిన వివరాలను కూడా త్వరలోనే అధికారికంగా ప్రకటించనున్నారట.
|
|