ఆయన హద్దు మీరారు... కఠిన చర్యలు తప్పవు

అకాడెమి ఆఫ్ మోషన్ పిక్చర్స్ అండ్ సైన్సెస్ ఆధ్వర్యంలో లాస్ ఏంజెల్స్ లోని డాల్బీ థియేటర్లో మార్చి 27న 94వ ఆస్కార్ అవార్డుల ప్రధానోత్సవం అత్యంత ఘనంగా జరిగింది. అయితే ఆ కార్యక్రమంలో హోస్ట్ క్రిస్ రాక్ పై విల్ చేయి చేసుకున్న ఘటన మాత్రం ఆస్కార్ చరిత్రలోనే ఒక చెరగని మరకగా ఉండిపోయింది. వ్యాధిగ్రస్థురాలైన తన భార్యను హోస్ట్ క్రిస్ రాక్ వ్యంగ్యంగా కామెంట్ చేసినందుకు హాలీవుడ్ స్టార్ హీరో విల్ స్మిత్ వేదికపైనే అతనిపై  చేయి చేసుకున్న విషయం తెలిసిందే. ఆ తర్వాత వెంటనే 2022 కు గాను ఆస్కార్ ఉత్తమ హీరో గా ఎంపికైన విల్ అవార్డును తీసుకున్న తరువాత తాను చేసిన పిచ్చి పనికి బాధపడి సారీ చెప్పారే కానీ చెంప చెళ్లుమనిపించిన క్రిస్ కు మాత్రం ఎలాంటి క్షమాపణలు తెలపకపోవటం విశేషం. ప్రపపంచవ్యాప్తంగా ఈ ఘటనపై భిన్నాభిప్రాయాలు వ్యక్తమవుతున్నాయి. కొంతమంది విల్ చేసింది కరెక్ట్ అని అంటుంటే, మరికొంతమంది క్రిస్ ను సపోర్ట్ చేస్తున్నారు. తాజాగా బాలీవుడ్ సీనియర్ నటుడు పరేష్ రావల్ కూడా క్రిస్ ను సపోర్ట్ చేయగా, బాలీవుడ్ క్వీన్ కంగనా రనౌత్ విల్ కు అండగా నిలబడ్డారు. 

అయితే విల్ చేసిన ఈ పనిపై గుర్రుగా ఉన్న అకాడెమి ఆఫ్ మోషన్ పిక్చర్స్ అండ్ సైన్సెస్ సంస్థ విల్ స్మిత్ తీరును ఖండిస్తూ, ఆయనపై తగిన చర్యలు తీసుకోవటానికి రెడీ అవుతుంది. ఈ మేరకు అకాడెమి సంస్థ అధ్యక్షుడు డేవిడ్ రూబిన్ అకాడెమి సభ్యులకు తాజాగా ఒక లేఖను పంపారట. అందులో విల్ స్మిత్ దే తప్పుగా పరిగణిస్తూ, నిబంధనల్లో భాగంగా ఆయనపై కఠిన చర్యలు తప్పవని ఉంది. దీంతో కొంతమంది వ్యతిరేకిస్తున్నారు. స్టేజిపై ఉన్నవారు మనసును గాయపరిచేలా ఏం మాట్లాడినా చెల్లుతుందా? వారేం చేసినా తప్పు కాదా అంటూ నిరసన వ్యక్తం చేస్తున్నారు