పాన్ ఇండియా బరిలోకి రానున్న మాస్ 'టైగర్'
cinema | Suryaa Desk | Published : Thu, Mar 31, 2022, 01:21 PM
రామారావు ఆన్ డ్యూటీ, ధమాకా సినిమాల షూటింగ్ ఇంకా పూర్తి కాకముందే మరో సినిమాని పట్టాలెక్కించనున్నాడు మాస్ రాజా రవితేజ. వంశీ డైరెక్షన్లో రవితేజ నటించనున్న ఈ చిత్రం టైగర్ నాగేశ్వరరావు బయోపిక్ గా రూపొందనుంది. 1970లలో దేశవ్యాప్తంగా పేరుమోసిన స్టూవర్టుపురం దొంగ టైగర్ నాగేశ్వరరావు. ఈ సినిమాతో కెరీర్లోనే తొలిసారిగా బాలీవుడ్ ను పలకరించబోతున్నాడు రవితేజ. ఇంకా పాన్ ఇండియా వ్యాప్తంగా కూడా పరిచయమవబోతున్నాడు రవితేజ.
తాజాగా ఈ సినిమా నుండి ఒక బిగ్ అప్డేట్ వచ్చింది. ఉగాది పండగను పురస్కరించుకుని ఈ మూవీ ప్రీ లుక్ పోస్టర్ ను ఏప్రిల్ 2న, 12. 06గంటలకు విడుదల చేయనున్నట్టు చిత్రబృందం తెలిపింది. ఇంకా ఆ రోజు హైదరాబాద్ లో ఈ సినిమా ప్రారంభ కార్యక్రమం కూడా ఘనంగా జరగనుందట. ఈ మేరకు ఒక స్పెషల్ పోస్టర్ను విడుదల చేసారు నిర్మాతలు.అభిషేక్ అగర్వాల్ ఆర్ట్స్ పై అభిషేక్ అభిషేక్ అగర్వాల్ నిర్మిస్తున్న ఈ చిత్రానికి జి.వి ప్రకాష్ కుమార్ సంగీతం అందిస్తున్నారు. ఈ చిత్రానికి సంబంధించిన మిగిలిన విషయాలను చిత్రబృందం త్వరలోనే ప్రకటించనుంది.
|
|