నిఖిల్ '18పేజెస్' కి మోక్షమెప్పుడో ...?
cinema | Suryaa Desk | Published : Fri, Apr 01, 2022, 03:59 PM
టాలీవుడ్ క్రియేటివ్ దర్శకుడు సుకుమార్ కథ అందించిన సినిమా '18 పేజెస్'. ఈ సినిమాకు పల్నాటి సూర్య ప్రతాప్ దర్శకత్వం వహిస్తుండగా టాలీవుడ్ యువనటుడు నిఖిల్ సిద్ధార్థ్, అనుపమ పరమేశ్వరన్ జంటగా నటిస్తున్నారు. GA 2 పిక్చర్స్, సుకుమార్ రైటింగ్స్ సంస్థల సంయుక్త నిర్మణంలో బన్నీ వాసు ఈ చిత్రాన్ని నిర్మిస్తున్నారు. గోపి సుందర్ సంగీతం అందిస్తున్న ఈ చిత్రం 18,ఫిబ్రవరి 2022న విడుదల కావాల్సి ఉంది. కరోనా కారణంగా విడుదల వాయిదా పడిన ఈ సినిమా కొత్త రిలీజ్ డేట్ ను ఇప్పటి వరకు చిత్రబృందం ప్రకటించలేదు.
కరోనా కారణంగా వాయిదా పడిన పెద్ద సినిమాలన్ని వరసగా థియేటర్లను ఆక్రమించటంతో చిన్న సినిమాలకు సరైన విడుదల తేదీ దొరకట్లేదు. ఇప్పటికే భారీ బడ్జెట్ సినిమాలు రాధేశ్యామ్, ఆర్ ఆర్ ఆర్ వంటివి మార్చి లో విడుదలవగా, చిరంజీవి-చరణ్ ల ఆచార్య, యష్-ప్రశాంత్ నీల్ ల కేజీఎఫ్ చాప్టర్-2, విజయ్ బీస్ట్, మహేష్ బాబు సర్కారువారిపాట వంటి సినిమాలు సమ్మర్ సీజన్ మొత్తాన్ని ఆక్రమించేశాయి. ఈ మధ్యలో కొన్ని చిన్న సినిమాలను ఆయా నిర్మాతలు ధైర్యం చేసి విడుదల చేస్తున్నప్పటికీ 18పేజెస్ చిత్రం విడుదల ఊసే లేదు. అయితే ఈ సినిమాకు మంచి విడుదల తేదీని నిర్ణయించి త్వరలోనే ప్రకటించనున్నారట. జూన్ లేదా జూలై లో ఈ సినిమాని విడుదల చేయటానికి మేకర్స్ సన్నాహాలు చేస్తున్నారని వినికిడి.
2019లో నిఖిల్ నటించిన అర్జున్ సురవరం సినిమా మంచి విజయాన్నందుకుంది. ఇక అప్పటి నుండి నిఖిల్ నుండి సినిమా లేదు. దీంతో ఈ చిత్రాన్ని ప్రేక్షకుల ముందుకు వీలైనంత త్వరగా తీసుకు రావాలని నిఖిల్ ప్రయత్నిస్తున్నారట.
|
|