"లైగర్" మూవీ న్యూ అప్డేట్...
cinema | Suryaa Desk | Published : Fri, Apr 01, 2022, 08:45 PM
రౌడీ హీరో విజయ్ దేవరకొండతో డాషింగ్ డైరెక్టర్ పూరీజగన్నాధ్ రూపొందించిన పాన్ ఇండియా చిత్రం 'లైగర్'. ప్రముఖ బాలీవుడ్ నిర్మాణ సంస్థ ధర్మ ప్రొడక్షన్స్ తో కలిసి పూరి కనెక్ట్స్ ఈ సినిమాని భారీ బడ్జెట్టుతో నిర్మించింది. బాలీవుడ్ యంగ్ హీరోయిన్ అనన్యా పాండే ఈ సినిమాలో విజయ్ కు జోడీగా నటిస్తుండగా బాక్సింగ్ దిగ్గజం మైక్ టైసన్ ఒక శక్తివంతమైన పాత్రలో నటిస్తుండటం విశేషం. ఈ సినిమాతో మైక్ టైసన్ భారతీయ సినీరంగ ప్రవేశం చేస్తున్నారు. అమెరికాలో విజయ్, మైక్ టైసన్ ల కాంబోలో వచ్చే సీన్స్ ను చిత్రీకరించారు పూరి. తాజాగా ఈ చిత్రం నుండి ఒక ఆసక్తికరమైన విషయం బయటకు వచ్చింది. ఈ చిత్రంలో మైక్ టైసన్ తన పాత్రకు తానే డబ్బింగ్ చెప్పుకున్నారని తెలుస్తోంది. ఈ మేరకు మైక్ మాట్లాడుతూ "నా మీద దయ చూపించినందుకు చాలా కృతజ్ఞతలు. అందుకు నేనెంతో ధన్యుడను" అంటూ తెలిపారు. బిగ్ స్క్రీన్ పై విజయ్,మైక్ టైసన్ ల మధ్య జరిగే నిజమైన యాక్షన్ ను చూడటానికి ప్రేక్షకులు ఎంతో ఆసక్తిగా ఎదురుచూస్తున్నారు. కాగా.. ఈ సినిమా ఆగస్టు 25న ప్రేక్షకుల ముందుకు రానుంది.
|
|