కాజల్ కి నో చెప్పిన రామ్ చరణ్...
cinema | Suryaa Desk | Published : Fri, Apr 01, 2022, 08:42 PM
రాజమౌళి దర్శకత్వంలో చేసిన రామ్ చరణ్, తారక్ కలిసి నటించిన సినిమా 'ఆర్ ఆర్ ఆర్' రికార్డు స్థాయి వసూళ్లతో విడుదలైన అన్ని చోట్లా దుమ్ము రేపుతోంది. తను పడ్డ మూడున్నరేళ్ల కష్టానికి తగిని బహుమతిని అందుకుంటున్నాడు రామ్ చరణ్. ఆర్ ఆర్ ఆర్ సక్సెస్ ను ఎంజాయ్ చేసేందుకు తగినంత సమయం కూడా రామ్ చరణ్ దగ్గరలేదు. ఎందుకంటే ఆయన తదుపరి చిత్రం ఆచార్య ఏప్రిల్ 29న విడుదల కానుంది ఈ మేరకు ఆచార్య ప్రమోషన్స్ ను భారీ ఎత్తున నిర్వహించాలని, అందుకు సరైన ప్లాన్ వేసే పనిలో ఉన్నాడట చరణ్. కొరటాల శివ దర్శకత్వంలో తన తండ్రి మెగాస్టార్ తో కలిసి ఆచార్య లో నటించారు రామ్ చరణ్.
తాజాగా ఆచార్య ప్రమోషన్స్ కు సంబంధించి ఒక ఇంటరెస్టింగ్ న్యూస్ బయటకు వచ్చింది. అదేంటంటే... ఈ చిత్రంలో చిరంజీవికి జోడిగా నటిస్తోన్న కాజల్ అగర్వాల్ కూడా ప్రొమోషన్ కార్యక్రమాల్లో పాల్గొంటానని తెలపగా, చరణ్ ససేమిరా ఒప్పుకోవట్లేదట. ప్రస్తుతం ముంబైలో ఉంటున్న కాజల్ హైదరాబాద్ వచ్చి కొన్ని ఇంటర్వ్యూలైనా ఇస్తానని చరణ్ అడుగుతుందట. ప్రస్తుతం చందమామ గర్భవతి కనుక ఆమెను ఇబ్బంది పెట్టకూడదని భావించిన చరణ్ ప్రచార కార్యక్రమాల్లో కాజల్ పాల్గొనటానికి నో చెప్తున్నాడట. 'ఆర్ ఆర్ ఆర్' తో వచ్చిన పాన్ ఇండియా గుర్తింపుతో ఆచార్యను ప్రమోట్ చేసి మరొక విజయాన్ని తన ఖాతాలో వేసుకోవాలనుకుంటున్నాడట చెర్రీ.
|
|