ఈ తేదీన విడుదల కానున్న 'బీస్ట్' తెలుగు ట్రైలర్
cinema | Suryaa Desk | Published : Mon, Apr 04, 2022, 11:59 AM
నెల్సన్ దిలీప్కుమార్ దర్శకత్వంలో కోలీవుడ్ స్టార్ హీరో విజయ్ నటిస్తున 'బీస్ట్' సినిమా షూటింగ్ పూర్తి చేసుకున్నారు. యాక్షన్ కామెడీ ఎంటర్టైనర్ ట్రాక్ లో రానున్న ఈ సినిమాలో విజయ్ సరసన సిజ్లింగ్ బ్యూటీ పూజాహెగ్డే జంటగా నటిస్తుంది. ఈ చిత్రం ఏప్రిల్ 13, 2022న థియేటర్లలో విడుదల చేయడానికి సిద్ధంగా ఉంది. మూవీ మేకర్స్ ఈ సినిమా థియేట్రికల్ ట్రైలర్ను విడుదల చేసారు. ఈ ట్రైలర్ ప్రేక్షకుల నుండి మంచి రెస్పాన్స్ సంపాదించుకుంది. ఇప్పుడు తాజా సమాచారం ప్రకారం, 'బీస్ట్' సినిమా తెలుగు వెర్షన్ను దిల్ రాజు తన హోమ్ బ్యానర్ అయిన శ్రీ వెంకటేశ్వర క్రియేషన్స్పై విడుదల చేయనున్నారు. ఈ విషయాన్ని ప్రొడక్షన్ హౌస్ సోషల్ మీడియాలో ప్రకటించింది. ఈ సినిమా తెలుగు ట్రైలర్ను ఏప్రిల్ 6, 2022న సాయంత్రం 6 గంటలకు విడుదల చేయనున్నట్లు మేకర్స్ ప్రకటించారు. సన్ పిక్చర్స్ ఈ సినిమాని నిర్మిస్తుంది. ఈ చిత్రానికి అనిరుధ్ రవిచందర్ సంగీతం అందించారు.
|
|