ఏదో ఒక రోజు నా కోరిక నెరవేరుతుంది: అనసూయా భరద్వాజ్
cinema | Suryaa Desk | Published : Tue, Apr 05, 2022, 11:58 AM
పసిపిల్లలతో ఇంటికి ఎక్కడాలేని కళ వస్తుందంటారు పెద్దోళ్ళు. అదే ఇంట్లో ఎంతమంది మగపిల్లలున్నా రాని లక్ష్మీ కళ ఒక్క ఆడపిల్ల ఉంటే వస్తుంది. ఆడపిల్ల పుట్టలేదని బాధపడే తల్లితండ్రులు కూడా చాలామందే ఉన్నారు. అలాంటి వారిలో హాట్ యాంకర్ అనసూయ కూడా ఉందంటే మీరు నమ్ముతారా? ఆడపిల్ల కావాలని ఆమె ఎప్పట్నుంచో కోరుకుంటుందని మీకు తెలుసా...?
శ్రీరామ నవమి ని పురస్కరించుకుని సీతారాముల కళ్యాణం చూతము రారండి అనే స్పెషల్ షో నిర్వహించింది . దీనికి సంబంధించిన ప్రోమో ఇటీవల విడుదల అయింది. జబర్దస్త్ కమెడియన్లంతా జంటలుగా పాల్గొని సీతారాముల కల్యాణాన్ని ఎంతో ఘనంగా చేశారు. ఆ తర్వాత ఒక పాపని ఎత్తుకుని ముద్దాడుతున్న అనసూయ సడెన్ గా కన్నీళ్లు పెట్టుకుంటుంది. అనసూయకు ఆడపిల్లలంటే చాలా ఇష్టమని, ఎప్పటినుండో ఆడపిల్లకోసం ఎదురుచూస్తుందని ఈ సందర్భంగా యాంకర్ రష్మీ అనసూయ కోరికను బయటపెట్టింది. ఏదో ఒక రోజు తనకు ఆడపిల్ల పుడుతుందని ఆశావాహ ధుక్ప్రధంతో ఉన్నట్లు తెలిపి అందరిముందు అనసూయ కాస్త ఎమోషనల్ అయింది. దీంతో ఈ ప్రోమో చూసిన ప్రేక్షకులు కూడా చలించిపోతున్నారు.
|
|