ఆ వ్యాఖ్యలు నేను చేయలేదంటూ...స్పందించిన రాశీఖన్నా
cinema | Suryaa Desk | Published : Wed, Apr 06, 2022, 08:49 PM
టాలీవుడ్ లో స్టార్ హీరోయిన్ గా ఎదిగి, ఆపై తమిళ, మలయాళ సినిమాలు కూడా చేస్తున్న గ్లామర్ బ్యూటీ రాశీఖన్నా ఇప్పుడు బాలీవుడ్లో కూడా రాణించాలనుకుంటుంది. ఈ మేరకు ఆమె ఇటీవలే ఒక హిందీ వెబ్ సీరీస్లోనూ, సినిమాలోనూ నటించింది. ఈ నేపథ్యంలోఆమె చేసిన వ్యాఖ్యలు వివాదాస్పదమయ్యాయి. సౌత్ ఇండస్ట్రీలలో హీరోయిన్లంటే కేవలం గ్లామర్ డాల్స్ అనీ, సినిమాలో ఇలా వచ్చి అలా వెళ్లిపోయే సీన్లకే వారు అంకితమని, ఇలాంటి రొటీన్ కమర్షియల్ చిత్రాలనే సౌత్ వాళ్ళు ఎక్కువగా ఇష్టపడతారని, తనకు అలాంటి సినిమాలు ఇష్టం లేకపోయినా వాటికే తాను కూడా అలవాటు పడ్డానని రాశిఖన్నా చేసిన వ్యాఖ్యలు టాలీవుడ్లో పెద్ద దుమారమే రేపాయి. ప్రేక్షకులు కూడా రాశీ పై ఓ రేంజులో విరుచుకుపడ్డారు.
సోషల్ మీడియాలో వైరల్ అవుతున్న ఈ వ్యాఖ్యలపై తాజాగా రాశీఖన్నా స్పందించింది. ఈ వ్యాఖ్యలు నేను చేయలేదంటూ ఒక స్పెషల్ నోట్ ను ట్విట్టర్లో పోస్ట్ చేసింది. సోషల్ మీడియాలో వైరల్ అవుతున్న ఈ వ్యాఖ్యలను నేను చేయలేదు. ఎవరో కావాలని, పని గట్టుకుని మరి ఇలాంటి పనులు చేస్తున్నారు. ఈ సందర్భంగా అలాంటి వారందరికీ చెప్తున్నా... దయచేసి ఇలాంటి రూమర్స్ స్ప్రెడ్ చేయటం ఆపేయండి. నేను పని చేస్తున్న ప్రతి చిత్రసీమ, ప్రతి సినిమాపై నాకు గౌరవం ఉంది.... అంటూ ట్వీట్లో పేర్కొంది.
|
|