విలేఖరి పై ఫైరైన మెగా పవర్ స్టార్... అందులో నిజం లేదంటూ ఆవేదన
cinema | Suryaa Desk | Published : Thu, Apr 07, 2022, 03:51 PM
ఎస్.ఎస్ రాజమౌళి దర్శకత్వంలో జూనియర్ ఎన్టీయార్, రామ్ చరణ్ తేజ్ లు కలిసి నటించిన పాన్ ఇండియా చిత్రం ఆర్ ఆర్ ఆర్. ఆలియా భట్, ఒలీవియా మోరిస్, అజయ్ దేవగణ్, శ్రేయా శరణ్, సముద్రఖని కీలక పాత్రలు పోషించిన ఈ సినిమా మార్చి 25న విడుదలై బాక్సాఫీస్ వద్ద భారీ కలెక్షన్లను రాబడుతోంది. దాదాపు వెయ్యి కోట్లకు చేరువలో ఈ సినిమా కలెక్షన్లు ఉండటంతో చిత్రబృందం ఆనందం గా ఉంది.
అయితే ఈ సినిమా విడుదలైనప్పటి నుండి కూడా చరణ్, తారక్ లలో ఎవరు బాగా చేశారనే దానిపై భిన్నాభిప్రాయాలు వ్యక్తమవుతున్నాయి. సినిమాలో చరణ్ పాత్ర తారక్ పాత్రను డామినేట్ చేసేలా ఉందనీ, ముఖ్యంగా క్లైమాక్స్ లో చరణ్ పాత్ర చాలా ఇంటెన్స్ గా ఉందని కొంతమంది తమ అభిప్రాయం వ్యక్తం చేస్తున్నారు. నందమూరి ఫ్యాన్స్ తారక్ ను సపోర్ట్ చేస్తుంటే, మెగా అభిమానులు చరణ్ దే పై చేయి అంటూ సోషల్ మీడియాలో ట్వీట్ల యుద్ధం చేస్తున్నారు. ఇదే ప్రశ్నను ఒక విలేఖరి చరణ్ ను అడగగా, దిమ్మతిరిగిపోయే ఆన్సర్ తో చరణ్ ఆ విలేఖరి తో పాటు డామినేషన్ చేశారంటున్న అందరి నోళ్లను ఒక్క సారిగా నోరుమూయించేసారు. చరణ్ మాట్లాడుతూ... డామినేషన్ అనే మాటలో అసలు అర్ధమే లేదు. తారక్ చాలా అద్భుతంగా నటించాడు. అతనితో కలిసి ఈ సినిమాలో నేను చేసిన జర్నీని ఎంతో ఎంజాయ్ చేశా. ఇంతటి గొప్ప అవకాశాన్ని ఇచ్చిన రాజమౌళి గారికి కృతజ్ఞతలు.... అంటూ చెప్పుకొచ్చారు.
|
|