నాగశౌర్య చిత్రంలో...కీలక పాత్రలో రాధిక
cinema | Suryaa Desk | Published : Thu, Apr 07, 2022, 03:59 PM
నాగశౌర్య నట్టిస్తున్న తాజా చిత్రంలో సీనియర్ నటి రాధిక ఓ పాత్రలో నటిస్తున్నట్లు సమాచారం. నాగశౌర్య ఒక వైపున యాక్షన్ సినిమాల పట్ల ఉత్సాహం చూపుతూనే, మరో వైపున ప్రేమకథా చిత్రాలను చేసుకుంటూ వెళుతున్నాడు. ఆయన తాజా చిత్రంగా 'కృష్ణ వ్రింద విహారి' రూపొందుతోంది. టైటిల్ ను బట్టి ఇది ట్రయాంగిల్ లవ్ స్టోరీ అని తెలుస్తోంది. ఈ సినిమాతో షిర్లే సెటియా కథానాయికగా తెలుగు తెరకి పరిచయమవుతోంది. నాగశౌర్య సొంత బ్యానర్ లో ఈ సినిమా నిర్మితమవుతోంది. అనీష్ కృష్ణ ఈ సినిమాకి దర్శకత్వం వహిస్తున్నాడు. మహతి స్వరసాగర్ ఈ సినిమాకి బాణీలను అందించాడు. ఈ సినిమా నుంచి ఫస్టు సింగిల్ ను వదలడానికి ముహూర్తాన్ని ఖరారు చేశారు. ఈ నెల 9వ తేదీన 'వర్షంలో వెన్నెల్లా' అనే పాటను ఫస్టు సింగిల్ గా వదలనున్నట్టు చెప్పారు.
లవ్ అండ్ ఫ్యామిలీ ఎంటర్టైనర్ జోనర్స్ ను టచ్ చేస్తూ ఈ కథ నడుస్తుంది. ఇందులో రాధిక ఒక కీలకమైన పాత్రను పోషిస్తున్నారు. ఆమె పాత్ర ఈ సినిమాకి హైలైట్ గా నిలుస్తుందని అంటున్నారు. కొంతకాలంగా వరుస పరాజయాలతో సతమతమవుతున్న నాగశౌర్యకి ఈ సినిమా ఎంతవరకూ హెల్ప్ అవుతుందో చూడాలి.
|
|