పోరాటం తప్పదంటూ వర్మ షాకింగ్ నిర్ణయం
cinema | Suryaa Desk | Published : Thu, Apr 07, 2022, 04:33 PM
సంచలనాత్మక దర్శకుడు రామ్ గోపాల్ వర్మ లెస్బియన్ కధాంశంతో తెరకెక్కించిన సినిమా డేంజరస్ (తెలుగులో మా ఇష్టం). భారతదేశ సినీ చరిత్రలో ఇప్పటివరకు ఎవరూ టచ్ చేయని కధాంశంతో వర్మ ఈ సినిమాను రూపొందించారు. నైనా గంగూలీ, అప్సరా రాణి ప్రధాన పాత్రలు పోషించిన ఈ మూవీ శుక్రవారం విడుదల కావాల్సి ఉంది. ఈ నేపథ్యంలో కొన్ని ఆసక్తికర సంఘటనలు చోటు చేసుకోవటంతో కాస్త వెనక్కి తగ్గారు ఆర్జీవీ. ఈ మేరకు ఒక ట్వీట్ ని పోస్ట్ చేసారు.
డేంజరస్ మూవీ ప్రదర్శనను PVR సినిమాస్, ఐనాక్స్ సినిమాస్ తిరస్కరించిన విషయం తెలిసిందే. ఆ తర్వాత మరికొన్ని థియేటర్లు కూడా PVR , ఐనాక్స్ ల బాట పట్టడంతో ఒకింత అసహనానికి గురైన ఆర్జీవీ చిత్రవిడుదలను వాయిదా వేస్తున్నట్లు తాజాగా ట్వీట్ చేసారు. అందుకు గల కారణాన్ని కూడా ట్వీట్లో ఆయన వివరించారు.. స్వలింగ సంపర్కం నేపథ్యంతో తెరకెక్కిన డేంజరస్ మూవీని ప్రదర్శించటానికి చాలా థియేటర్లు ముందుకు రాకపోవటం బాధాకరం. మాకు జరిగిన అన్యాయం పట్ల అన్ని విధాలా పోరాటం చేసి, మంచి సమయం చూసుకుని ఈ సినిమాని థియేటర్లలో విడుదల చేస్తాం... అంటూ పేర్కొన్నారు.
|
|