24 గంటల్లో ఈ టీజర్ 1 మిలియన్ ప్లస్ వ్యూస్
cinema | Suryaa Desk | Published : Fri, Apr 08, 2022, 02:00 AM
ఒక చిత్రం టీజర్ కు ఒక్క రోజులో ఎన్ని వ్యూస్ వస్తాయి. ఒక్క మిలియన్ అంటే అసాధ్యమేనని చెప్పవచ్చు. చిరంజీవి పెద్ద కూతురు సుస్మిత కొంత కాలంగా వెబ్ సిరీస్ లు నిర్మిస్తూ వెళుతున్నారు. రీసెంట్ గా ఆమె సినిమాలను నిర్మించే దిశగా అడుగులు వేశారు. తన బ్యానర్ పై 'శ్రీదేవి శోభన్ బాబు' అనే సినిమాను నిర్మించారు. సంతోష్ శోభన్ - గౌరీ కిషన్ జంటగా నటిస్తున్న ఈ సినిమా నుంచి నిన్న టీజర్ ను రిలీజ్ చేశారు. కథ నేపథ్యం .. నాయకా నాయికల పాత్రలను కవర్ చేస్తూ కట్ చేసిన టీజర్ ఆకట్టుకునేలా ఉంది. టైటిల్ క్యాచీగా ఉండటం .. మాస్ అంశాలు ఉండటంతో ఈ టీజర్ చాలా స్పీడ్ గానే కనెక్ట్ అయింది. 24 గంటల్లో ఈ టీజర్ 1 మిలియన్ ప్లస్ వ్యూస్ ను రాబట్టడం విశేషం. అందుకు సంబంధించిన పోస్టర్ ను కూడా వదిలారు.ఈ కథ సిటీలోను .. విలేజ్ నేపథ్యంలోను నడుస్తుందనే విషయం టీజర్ ను బట్టి తెలుస్తోంది. ప్రశాంత్ కుమార్ దర్శకత్వం వహించిన ఈ సినిమాకి కుమరన్ సంగీతాన్ని సమకూర్చాడు. 'మంచి రోజులు వచ్చాయి' తరువాత సంతోష్ శోభన్ నుంచి వస్తున్న సినిమా ఇది. త్వరలోనే విడుదల తేదీని ప్రకటించనున్నారు.
|
|