త్వరలో రోలింగ్ ప్రారంభం కానున్న 'భవదీయుడు భగత్ సింగ్'
cinema | Suryaa Desk | Published : Fri, Apr 08, 2022, 11:46 AM
'భీమ్లా నాయక్' సినిమాతో బ్లాక్ బస్టర్ హిట్ సాధించిన టాలీవుడ్ పవర్స్టార్ పవన్ కళ్యాణ్ ప్రస్తుతం హరీష్ శంకర్ దర్శకత్వంలో ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'భవదీయుడు భగత్ సింగ్' అనే టైటిల్ను మేకర్స్ ఖరారు చేసారు. ఈ మాస్ ఎంటర్టైనర్ మూవీలో పవన్ కళ్యాణ్ సరసన సిజ్లింగ్ బ్యూటీ పూజాహెగ్డే జంటగా నటించనుంది. ఈ సినిమాలో అవార్డ్ విన్నింగ్ యాక్టర్ పంకజ్ త్రిపాఠి కీలక పాత్ర పోషిస్తున్నట్లు మేకర్స్ వెల్లడించారు. తాజాగా 'హరి హర వీర మల్లు' సెట్స్లో హరీష్ శంకర్ పవర్స్టార్ను కలిసి 'భవదీయుడు భగత్ సింగ్' షూటింగ్ ఏర్పాట్లపై చర్చించాడు అని సమాచారం. మాస్ అండ్ సోషల్ ఎంటర్టైనర్ ట్రాక్ లో రానున్న ఈ సినిమా అతి త్వరలో ప్రారంభం కానుందని వార్తలు వినిపిస్తున్నాయి. పవర్ స్టార్ అభిమానులు పవన్ అండ్ హరీష్ కాంబో లో రానున్న సినిమా కోసం చాలా కాలంగా ఎదురుచూస్తున్నారు. మైత్రీ మూవీ మేకర్స్ ఈ పవర్ ఫుల్ మూవీని భారీ ఎత్తున నిర్మిస్తున్నారు. ఈ ప్రాజెక్ట్ గురించి మరిన్ని వివరాలు మేకర్స్ త్వరలో వెల్లడి చేయనున్నారు.
|
|