నాగశౌర్య 'కృష్ణ బృందా విహారి' వాయిదా పడిందా?
cinema | Suryaa Desk | Published : Fri, Apr 08, 2022, 12:14 PM
యంగ్ అండ్ టాలెంటెడ్ హీరో నాగశౌర్య 'కృష్ణ బృందా విహారి' అనే రొమాంటిక్ కామెడీ సినిమాతో ఆడియన్స్ ముందుకు రాబోతున్నాడు. అనీష్ కృష్ణ దర్శకత్వం వహిస్తున్న ఈ సినిమాలో నాగశౌర్య సరసన షిర్లీ సెటియా నటిస్తున్న సంగతి తెలిసిందే. ఈ సినిమా షూటింగ్ దాదాపు పూర్తయింది అని సమాచారం. తాజా సమాచారం ప్రకారం, ఈ సినిమా విడుదల వాయిదా పడినట్లు వార్తలు వినిపిస్తున్నాయి. ముందుగా, ఏప్రిల్ 22, 2022న సినిమా ప్రేక్షకుల ముందుకు రానుందని మేకర్స్ వెల్లడించారు. కానీ, ఉగాది కి విడుదల చేసిన పోస్టర్ లో అండ్ మొదటి పాట ప్రకటన పోస్టర్లో మేకర్స్ విడుదల తేదీని పేర్కొనలేదు. దీంతో విడుదల తేదీపై అభిమానుల్లో, ప్రేక్షకుల్లో అనుమానాలు నెలకొన్నాయి. అయితే ఈ విషయంపై టీమ్ నుంచి అధికారిక ప్రకటన వచ్చే వరకు వేచి చూడాల్సిందే. ఈ చిత్రంలో రాధిక, వెన్నెల కిషోర్, రాహుల్ రామకృష్ణ, సత్య తదితరులు కీలక పాత్రలలో నటిస్తున్నారు. ఐరా క్రియేషన్స్పై ఉషా ముల్పూరి నిర్మిస్తున్న ఈ చిత్రానికి మహతి స్వర సాగర్ సంగీతం అందిస్తున్నారు.
|
|